Page 30 - AVP

Ademas di gaba su mes durante e conferencia, e ta papia tambe cosnan cu no e no ta

cumpli cune. Durante un conferencia na final di December, Andin Bikker a gaba varios

minuut largo riba dos parkeervak cu el a logra haya pa dos auto di Polis staciona. Den su

palabranan e tabata un logro hopi grandi como minister di husticia.

E parkeervaknan ta dilanti Royal Plaza pa asina mira presencia di e autonan di Polis pa

ilustra mas seguridad. Di otro banda nos ta den luna di February 2020 y keto bay e dos

parkeervaknan aki no a yega. Te cu awe Polis ta staciona nan autonan riba acera sea na

entrada di Arubus of riba acera pabou di Royal Plaza. Prome cu esaki ora un ciudadano

para su auto eynan, e ta haya multa of Aruparking ta takel e auto.

Awor Polis ta para riba acera pasobra te awe Andin Bikker su logro grandi di dos

parkeervak no a keda cla. E siman aki a pasa y mira cu keto bay Polis no tin nan

Parkeervak manera Andin Bikker a gaba cune durante e conferencia na December.

Concluyendo, por bisa cu Andin Bikker ta djis bin conferencia pa papia cos djis pa sali

den media y loke e ta papia ta mas bien Fake News.

https://24ora.com/minister-andin-bikker-riba-un-racha-di-fake-news/