Page 31 - AVP

Parlamentario Alan Howell (POR) Ta Felicita Cuerpo

Policial Pa Nan Tremendo Trabou

 Politica
- 11/02/2020

Alan Howell, Parlamentario di fraccion di POR, a felicita Cuerpo Policial p’e gran trabou
cu nan ta bin eherciendo. El a indica cu mientras hopi tabata balia y gosa durante parada
di Carnaval di Mucha na San Nicolas, Cuerpo Policial a haci un tremendo trabou.

“Atraco Team no ta drumi, nan a bolbe canta bingo, a dal duro y esaki nos no ta scucha
oposicion ta papia. Ta parce solamente cu ora atraco tuma lugar tin celebracion grandi,
tin cherchamento y tin sensacion, pero no ta scuchanan papia ora cu Cuerpo Policial ta
haciendo un tremendo trabou.

Nos di fraccion POR si ta para tras di Cuerpo Policial, den bon y den malo y nos kier
felicita Atraco Team, Cuerpo Policial y Minister di Husticia p’e bon trabou haci”, Alan
Howell ta bisa.

E ta agrega cu Parlamento lo sigui sostene Cuerpo Policial den tur loke por haci manera
presupuesta mas placa y presupuesta mas material pa nan por sigui bringa criminalidad.
Tambe el a bisa cu Cuerpo Policial por sigui depende den tur manera riba fraccion di
POR pa yuda combati criminalidad y sostene Minister di Husticia den e tarea dificil aki.

Igualmente Howell ta encurasha pueblo pa mira den nan becindario y si ta sinti cu tin
informacionnan clave cu lo por yuda pa soluciona cualkier caso, pa tuma contacto cu