Page 37 - UTILITIES

Manera ta conoci, recientemente no menos cu dos diferente horcan a azota islanan den

Caribe, lagando hopi daño atras. Entre otro a haci daño grandi na e red di suministro di

coriente riba e islanan aki. N.V. Elmar, siendo un miembro activo di CARILEC, un

organisacion di tur e companianan di utilidad den Caribe, a haya peticion pa brinda

asistencia pa yuda restaura e red di distribucion di coriente na British Virgin Island.

Diabierna mainta a sali un team di “Lineman”, consistiendo di Calixto Dirksz, Cedric

Wever, Egbert Peasch, Jair Colina, Roger de Cuba y como supervisor Anthony Tjin Kon

Fat. Nan lo keda algun siman na e isla aki y si ta necesario lo por revela nan pa un otro

ekipo di Lineman. Di e forma aki N.V. Elmar tambe ta contribui cu yudansa na BVI pa

por reestablece suministro di coriente mas pronto cu ta posibel riba e isla aki.

Ta bon pa menciona cu N.V. Elmar tabata den contacto cu e compania di distribucion di

coriente di nos isla ruman, St. Maarten, pero nan no ta cla pa ricibi ayudo ainda. Ta spera

cu den e siguiente simannan lo ta cla, cu probablemente e mesun ekipo di BVI lo sali bay

yuda nan.

E tecniconan di N.V. Elmar a sali bon prepara, cu ekiponan sofistica pa por haci e

trabounan den un forma eficiente y sigur. A bay cu suficiente material den caso cu mester

sigui despues pa otro islanan den e mesun reto aki cu nan red di distribucion di coriente.

Riba e foto por admira momento cu e Director di N.V. Elmar, Ing. Robert Henriquez, a

bay despedi di su coleganan na Aeropuerto. El a desea cada un di nan tur cos bon y pa

practica nan experencia y sabiduria den yuda islanan bisiña den Caribe cu a sufri masha

di daño di horcan.