Page 10 - AWEMAINTA

10
Lo cuminsa cu reconstruccion, renobacion y
expansion di Instituto Medico San Nicolas
E lo bira un State of the Art
AWEMainta Diaranson, 15 November 2017
Pa fin di maart awor
INSAM t’asina leu cu ta prepara p’e destaho publico p’e reno-
bacion, expansion y reconstruccion di InSam. Di acuerdo cu su
Director dr. Joel Rajnherc, ya caba nan a haya masha reaccion di
contratistanan local, pero tambe internacional cu ta masha inte-
resa pa ehecuta e proyecto aki.
Di acuerdo cu dr. Joel Rajnherc, tur informacion lo keda centralisa
via di nan partner na Miami, cu ta Baptist Health na South Florida.
Ta nan ta coordina e fase aki y por bisa cu e proceso aki, incluso e
destaho publico lo ta full transparente y tur informacion lo ta na
disposicion p’esnan cu sigui e desaroyo aki.
E proceso aki ta canando hopi bon y ImSan ta spera cu den prome
siman di maart di otro aña, tur contrato ta firma.
E plan ta pa na inicio di maart lo cuminsa su expansion y renoba-
cion di e edificio di ImSan, maske cu e trabaonan aki lo bay den
fase, segun dr. Joel Rajnherc.
No mester lubida cu e lo bira un reto masha grandi, pasobra duran-
te henter e proceso di renobacion, ImSan mester keda operacional.
Y sigur pa casonan di emergencia, Afdeling Radiologie y pa Afdel-
ing di Ogenkunde, pasobra e paciente mester keda wordo sirbi,
sigui haya nan cuido y mas cu tur mester ta safe pa no ser molestia.
Y InSam ta masha contento di tin Baptist como un partner, cu tin
caba e plannan di expansion, renobacion y reconstruccion.
Segun dr. Joel Rajnherc, na InSam tin diferente departamento caba
na ImSan cu tin sigur 12 of mas aña, pero nunca nan a wordo
adapta na nan specialismo. Awor cu ta bay renoba y amplia lo aco-
moda nan n’e parti di edificio cu ta cla caba.
Joel Rajnherc a sigui splica cu departamento di wowo manera e ta
awor aki, nunca a wordo adapta.
Awor cu lo bay na renoba, amplia, lo muda e departamento di
wowo na un otro localidad, loke no ta ideal, pero nan lo haya espa-
cio suficiente, pa unabes cu nan muda, nan por recibi nan paciente
atrobe, sin cu mester perhudica a cuido medico en general.
Departamento di wowo lo conoce un renobacion y lo bira un State
of the Art.
Aworaki ImSan tin 3 sala di operacion, y uno lo bira pa wowo y e
otronan pa tur otro specialismo, segun splicacion di e Director, dr.
Joel Rajnherc.