Page 10 - AHATA
P. 10
Diabierna, 28 Maart 2025 AWEMainta BONEIRO 41
A cende e luznan di pista nobo na Flamingo Airport
UN anochi alegre, despues cu e avion di KLM a lanta vuelo,
Aeropuerto Flamingo na Boneiro a celebra un momento
historico: a cende e luznan nobo di e pista oficialmente.
Diputado Anjelica Cicilia tabata encarga pa primi e boton
simbolico pa cende e luznan briyante.
Maarten van der Scheer, director di Aeropuerto Internacional
di Boneiro (BIA), a comparti cu e proyecto aki tabata mas cu
necesario y cu e gastonan a surpasa 8 miyon dollar.
El a expresa su gratitud na tur esnan cu a contribui n’e reali-
sacion di e trabou importante aki.
Den un discurso cortico, Diputado Cicilia a enfatisa e impor-
tancia di e luznan nobo p’e vuelonan cu ta yega y sali for di
Boneiro.
“Esaki tabata un mehoracion esencial, y nos como accionista
ta sumamente contento cu ne,” el a declara.
Fuera di e luznan nobo, aeropuerto a conoce otro cambio
recien. Plachinan nobo a keda instala y tambe e ekiponan
electrico moderno, cu ta esencial pa funcionamento di e
luznan di pista. Tur esaki ta parti di un esfuerso continuo pa
haci Aeropuerto Flamingo mas moderno y sigur.
Fuente: Bonaire.nu
