Page 59 - AVP

Presidente Di Parlamento No Ta Confia Su Vice

Presidente

 Politica
- 25/02/2020

Cu ta motibo cu Rocco Tjon a bay representa fraccion di MEP na New York

Ora cu a bira conoci, y a keda participa p’e propio Rocco Tjon, lider di fraccion di MEP,
cu el a biaha pa New York pa un reunion convoca pa Nacionnan Uni, pa representa Ady
Thijsen. Tuma nota cu Rocco Tjon mes ta declara cu el a bay New York pa representa
Presidente di Parlamento, Ady Thijsen.

Den comunidad a lanta hopi pregunta si e titulo di Vice Presidente ta pa pronk of si
berdad e Vice Presidente ta un funcion of no. Oficialmente e titulo di ta Vice Presidente
no ta existi sino ta pa por representa Presidente di Parlamento ora e Presidente
oficialmente no por pa motibo di otro compromiso of ta ausente pa motibo di salud of
Presidente kier participa activamente na un reunion den Parlamento.

Ora Presidente biaha y Alan Howell keda atras como “acting president” e mester haña tur
honor como Presidente entre otro e mester entrega e dienstwagen di Parlamento p’e
translada su mes ta pesey e ta, pero e no ta dune e honor ey. Alan Howell no mag di core
e auto di Presidente di Parlamento. Tur e hechonan aki a cuminsa “herbe” y ta confirma
cu Alan Howell tey pa “spek en bonen” y no tin ningun autoridad. Cuanto biaha a mira
Howell den funcion di Presidente a.i. di Parlamento, dirigiendo un reunion. Nunca,
pasobra Ady Thijsen no ta permiti esaki. Alan Howell ta bon pa keda como
Parlamentario di esnan pariba di brug y nada mas.