Page 60 - AVP

Actualmente por tuma nota cu Presidente no ta confi’e of no ta tur ora ta di acuerdo pa
represente den reunionan of eventonan importante.

P.e. un reunion manera Eurolat cu t’e Presidente di Parlamento mester asisti ta dicidi cu e
no ta bay pero ta manda Endy Croes enbes di Alan Howell.

Awor Hulanda ta invita Presidente di Parlamento pa forma parti di un delegacion pa
Nacionnan Uni. Aki Parlamento a dicidi cu t’e Presidente ta bay representa Parlamento es
decir hise na nivel di Presidente di Parlamento mescos cu Corsou y St Maarten.

Awor MEP a dicidi cu como Ady Thijsen no por bay, pero e no ta laga Alan Howell bay
como e Vice Presidente di Parlamento, pero ta manda Rocco Tjon, kende ta lider di
fraccion di MEP, kier men como representacion di MEP el a bay y no di Parlamento.

Ora sra. Dellanira Maduro a drenta Parlamento Alan Howell a opta pa keda como Vice
Presidente di Parlamento y no bira lider di fraccion pero awe ta surgi e pregunta: Kico t’e
balor di ta un Vice Presidente si na momento cu e Presidente no por atende un encuentro
ta dicidi cu ta un Parlamentario di su fraccion lo represente.

E situacion aki ta sigui “herbe” te ora cu Alan Howell bisa cu ta basta cu e wega aki. E ta
keda semper atras of di berdad Howell ta gusta di ta wordo yama Vice Presidente, pero
tanto bal e tey of no. MEP ta dicidi riba su posicion.