Page 2 - MIN VOS 29 OCT 2015

AWEMainta Diahuebs, 29 Oktober 2015 13

Awe ta Dia
Mundial di
Stroke

HELLEN Mohamed di Fundacion CVA Aruba ta recorda

tur hende cu awe ta Dia Mundial di Stroke.
Fundacion CVA Aruba lo kier siña pueblo di Aruba tambe
con pa preveni un Stroke of Atake Cerebral specialmente
riba e dia importante na unda henter mundo ta para
keto con pa no haya un stroke. Nos lo pone enfasis riba
e palabra F.A.S.T. cu ta pa pueblo por haya sa si un
persona den bo sercania lo por ta haya un stroke.
F. kier men cu e cara ta cambia bay di banda, cu A. bo
ta pidi e persona pa hisa un brasa, S. laga e persona
bisa algo chikito y T. ta para p’e tempo cu ta masha
importante pa un persona cu por haya un stroke.

Si e ta na ora,no bay drumi prome, mas liher e lo por
recupera di e atake cu e ta haya! Si e haya un Tia, cu ta
un atake chikito cu ta bin, pero bay despues di un rato,
bay dokter tog!! Esaki por ta un comienso di un stroke
cu por ta mas grandi. Nos ta spera cu pueblo despues
di e 10 aña cu nos ta bringa pa prevencion dor di duna
e factornan di riesgo y cu ta bisa cu e malesa aki no tin
edad, ni rasa ni sexo.

Algun factornan di riesgo ta presion halto, diabetes,
colesterol den sanger, uso exceso di alcohol y sigaria.
Otro factornan por ta falta di haci ehercisio, problema
di circulacion den e adernan, come malo y tambe si e
curason no ta traha bon pa motibo di p.e.bati abnormal
of por forma un prop di sanger den e ader cu por haci
cu bo por haya un stroke. Tur esaki ta bin dilanti dia di e
congreso nos dilanti dor di varios dokternan presente!!
Bin scucha varios ponencia di e specialistanan pa cambia
bo estilo di biba!!