Page 6 - MIN VOS 29 OCT 2015

AWEMainta Diahuebs, 29 Oktober 2015 29

Velocity
Mountain Bike
Race diadomingo
awor!

DIADOMINGO 1 di november 2015 pa 6:45 AM, Velocity

Cycling Team (VCT) lo ta organisando su ultimo evento
ciclistico pa 2015 cual lo ta tanto pa mucha como pa adulto.
Un biaha mas lo organisa un evento p’e disciplina di MTB
cual lo tuma lugar den e area di Alto Vista.
E competencia aki tambe ta forma parti di e calendario
nacional di Aruba Wieler Bond y lo t’e ultimo oportunidad
pa haya punto pa ranking di mountain bike pa 2015.

Orario y ruta
E careda ta habri pa tur categoria di 6 aña bay ‘riba. Muchanan
di categoria 1 y 2 (6 pa 9 aña) ta start 6:45 AM mientras e
categorianan di mucha 3 y 4 (10 pa 14 aña) y Beginners lo
start pa 7:30 AM.
Demas categorianan di Master, Sportive y Expert lo start pa
8:30 AM. Tur ta start den e becindario di Kapel di Alto Vista
y lo tin 3 diferente circuito cualnan ta marca cu borchi Geel
p’e circuito di Kids 1 y 2, borchi Blau pa e categoria di Kids
3/4 y Beginners y borchi Cora p’e categorianan di Master,
Sportive y Expert.
Pa mas informacion di esaki por check nos Facebook page
Velocity Cycling Team.

Distancianan
Den e categoria di mucha lo core e siguiente distancianan:
Kids 1: 2.4 KM, Kids 2: 4.0 KM, Kids 3: 12.8 KM. Kids 4 y
Beginners (m/w) 19.2 KM. Sportive y Master Women: 18.2
KM, Sportive/Master Men y Expert Women: 28.2 KM y Expert
Men: 37.6 KM.

Inscripcion
Inscripcion p’e careda ya ta posibel n’e siguiente bike
shopnan local; FX Sports Co., Radio Shack y Tri-Bike tanto
na Boulevard como na Sta Cruz. Miembronan di AWB ta
wordo pidi pa inscribi cu nan licencia pa haya e prijs special.
Lo tin un ultimo chens pa registra tambe riba e anochi di
inscripcion cual ta diahuebs 29 di okotber di 7:00 – 9:00 pm
na Chill Café na.

Mas informacion
Si ta desea mas informacion, por tuma contacto cu nos via
e-mail cyclingteamvelocity@gmail.com. Tambe via nos event
page riba facebook Velocity CyclingTeam, tin e programa
completo p’e careda. Tur coredor mester lesa e reglanan
den su totalidad p’asina preveni descalificacion inecesario.

Invitacion
Nos ta termina cu un invitacion cordial na tur fanatico di
ciclismo pa asisti n’e evento aki, sea como coredor of pa apoya
nos ciclistanan. Nos ta conta cu boso presencia.
(Potretnan cortesia di Edrick Krozendijk).