Page 17 - Min Jus 11NOV,2015
P. 17
AWEMainta Diaranson, 11 November 2015 7
Mas detaye lo ta conoci pronto...
“Hopi lamentabel cu
nos ambtenaarnan ta
corumpi nos sistema
cu comerciantenan”
Di acuerdo cu Minister di Finanza,
Angel Bermudez
DIABIERNA mainta Minister di Finanza, Angel
Bermudez a tuma medidanan disciplinario contra 7
miembro di Cuerpo Duanero p’asina por investiga,
evalua informacion y indicacionnan serio cu posibel-
mente e Duaneronan aki lo ta envolvi den actonan
fraudulento den nan funcion actual. Mientrastanto e
miembronan di Cuerpo di Aduana aki lo permanece
“non-actief” segun a mandatario a splica.
Minister Bermudez a indica cu pa basta tempo caba
Ministerio Publico ta hibando un investigacion penal
riba cierto crimen cu ta wordo cometi regularmente
den comercio den cual aparentemente lo tin algun di
nos ambtenaarnan envolvi.
Consecuentemente, cu e datonan colecta pa OM a lanta
sospecho grandi cu dentro di nos Cuerpo di Aduana mes
tin complice den e crimen nan aki, e mandatario a splica.
“Mi tin cu admiti cu e sucesonan aki tin ami masha in-
digna, pasobra hunto cu un grupo grandi, cu ta di bon
boluntad, nos ta trahando duro pa mehora e funciona-
mento di nos cuerpo pa hisa nos calidad di bida riba e
pida baranca aki”, asina e Minister Bermudez a expresa
diabierna mainta.
Segun e mandatario di finanza, e coleganan aki no ta
afecta solamente e caha di Gobierno, pero tambe nan ta
perhudica e pan di nan famia como tambe e reputacion
di nan coleganan den Cuerpo di Douane.
“E ta hopi lamentabel pa topa cu un grupito cu pa falta di
integridad y pa propio beneficio, ta corumpi nos sistema
cu cierto comerciante”.
Mientras cu e grupo aki ta permanece desactiva den
nan funcion, e investigacion lo sigui su ruta p’asina por
colecta tur prueba necesario pa laga husticia castiga e
actonan repudiabel cometi.
Finalmente Minister Bermudez a menciona cu den e mo-
mentonan aki no lo por duna mas informacion p’asina
no stroba e investigacion cu ta andando.
Sinembargo e mandatario a sigura cu tur detaye im-
portante relaciona cu e caso aki lo wordo comunica por
medio di prensa na nos comunidad asina nan ta conoci.
