Page 43 - HOH

cu e no sa na ki momento of con el a keda infecta, pasobra el a tuma tur medida di
precaucion.

E politico a bisa di kier comparti e video pa ilustra con apesar cu e mes ta un persona cu a
tuma hopi medida di precacaucion, toch a keda infecta cu COVID-19 (coronavirus). E noticia
aki el a hay’e diamars ultimo. Croes a traha e video aki for di seno di su cas unda, el a bisa,
e tabata for di momento cu scol a cera. “Mi tambe a keda cas, mi a cuida mi curpa, a cuida
esnan cu mas mi ta stima. Mi tabata comparti e mensahe aki continuamente riba Facebook.”
P’esey tambe el a lanta diadomingo ultimo cu su curpa un tiki kibra y cu atardi a bira mas
pisa. E mesun dia ey el a haya keintura y a logra baha e keintura cu paracetamol.

Mirando cu el a tuma tur medida di keda cas, el a pensa cu ta Influenza e ta hayando, pero
na mesun momento e no por a evita su dudanan. Y a dicidi di isola su mes di biaha. E
siguiente dia den oranan di atardi, e dokter di cas a conseh’e pa haci e test diamars “pa
descarta COVID-19”. Pero e resultado tabata otro di loke nan a pensa.

E sintomanan cu el a haya tabata un tos seco (un dia), keintura (un dia), y hopi mareo riba
diaranson.

El a sigura di a tuma tur e medidanan. “Desde cu scol a scol a cera, desde cu a anuncia e
prome caso, mi a bay den cuarentena, mi a cuida mi mes y esnan cu mi ta stima. Mi a purba
pensa y bay bek atras den loke mi a haci prome, pero mi no por a conclui nada. Mi no tabata
den contacto cu ningun hende cu a test positivo. Door cu mi a limita asina hopi mi
contactonan, boso por ta trankil. Mi a informa e hendenan cu mi tabatin contacto cu nan e
dia prome cu e sintomanan a cuminsa manifesta nan mes. Y hasta esnan cu tabata cu mi un
tiki prome cu e fecha ey. Ami a keda cas, a haci mi best, y e resultado tabata un sorpresa
pami, mi pareha y mi famia.

Mi a cuida te unda mi por. Esaki ta djis un ehempel cu nos no sa unda e ta. Por tin
personanan cu tin’e pero nan no sa. Pa e motibo aki mi a traha e video pa pidi boso sigui
cuida curpa, siña e muchanan laba nan man. Mi no tin niun idea con e por yega cerca boso
pasobra ami no sa con mi a hay’e.” Te aworaki el a sinti solamente sintoma leve desde cu el
a cuminsa sinti malo diadomingo ultimo y a bisa ta spera cu e sintomanan keda asina. El a
manda palabra di elogio pa personal di DVG cu ta haciendo un esfuerso grandi den un
situacion cu niun hende aki na Aruba a yega di pasa aden. “Keda cas, laba boso man y no
bay den panico. Hunto nos ta bay surpasa esaki,” tabata ultimo mensahe di Gerlien Croes.

https://24ora.com/gerlien-croes-apesar-di-a-cuida-y-a-bay-den-cuarentena-ta-infecta-cu-
covid-19/

ARUBA A YEGA 40 CASO CONFIRMA DI

CORONAVIRUS

28 March, 2020, 11:11 am

4529