Page 44 - HOH

Un rato pasa Gobierno di Aruba a informa, via e website oficial di Coronavirus, cu nos isla a
alcansa e cantidad di 40 pashent cu a test positivo pa COVID-19, mara na e pandemia cu a
haya e nomber di Coronavirus. Cifranan oficial di Gobierno ta papia aki di 469 caso cu a test
negativo, 40 caso cu a test positivo, 1 caso recupera (turista cu a regresa Merca) y 0 morto.

Riba e mesun website Gobierno a informa cu e “voice note” coriendo rond tocante casonan
positivo ta falso. Esun cu ta referi na supuesto scarcedad di cuminda tambe ta falso, pasoba
tin suficiente y container a caba di yega Aruba. Por ultimo, e WhatsApp screenshot cu lo tin
3 dokter infecta tambe ta falso.

Ta pidi comunidad pa porfabor ban hunto y proteha nos mes pa mas plamamento di e virus.
Si bo ta sinti sintomanan di griep manera keintura, tosamento of problema pa hala rosea,
por fabor tene cuenta cu lo siguiente:

● Si bo tin mayornan, welo/ wela, tanta/omo grandi, por fabor no bay haci bishita.
● Si bo famia ta den un cas di cuido, por fabor no bay bishitanan
● Tuma contacto via telefon cu bo grandi y splica pakico bo lo no por bin di bishita
● Por fabor como famia traha un plan hunto con pa prepara pa yuda y proteha un
famia di edad halto. Sea ta cu alimentacion, suplemento, hopi awa y pa nan
tambe laba man y haci uzo di hand sanitizers cu ta contene por lo menos 60% di
alcohol.