Page 16 - DESPA

un tosamento pisa, pasobra e slijm ta pasa pa e cavidad di garganta y ta kishiki e canal
respiratorio. Otro sintoma cu ta compaña verkoud por ta: nistermento, biramento hers, dolo
di garganta y un keintura leve.

Tin mas di 100 sorto di virus di verkoud. Pesei hende no por crea resistencia p’e. Contra
virus no ta existi remedi, kier men cu antibiotico tampoco no ta yuda. Solamente bo por haci
algo contra e sintomanan, manera habri e nanishi. Verkoud ta disparce mayoria di biaha

despues di 5 te 10 dia. Un hende cu tin verkoud por sali gewoon pafo, sigur si e no tin
keintura. Bo no mester tin miedo cu bo ta coi friu riba dje of cu e ta bira pio.

Cerca mucha

Verkoud ta parti di e mucha su bida. Particularmente si e mucha ta bai luga caminda hopi

otro mucha tambe ta bai, manera speelschool of creche.

Cuido propio: Kico bo mes por haci

Busca bon ventilacion. Drumi cu bentana habri (si ta posibel). Drumi cu bo cabes un tiki

mas na halto. No huma. Si bo tin hopi molester di nanishi cera of di presion riba bo cachete
of bo horea, bo por spula bo nanishi cu awa salo of bo por uza gota pa nanishi. Mira e
articulo riba remedi. No haci esaki pa mas cu un siman sigui. Purba evita contagio di otro

persona. Tapa bo boca y bo nanishi, ora bo nister. No duna man y laba bo man
regularmente.

Cerca mucha di mas di 1 aña

Dun’e hopi likido pa bebe, likido cayente por tin un efecto di alivio. E mucha por sali pafo.

Cerca Baby

Un baby cu un nanishi cera cu mester bebe for di pecho di e mama of for di boter tin e
opcion entre no bebe of stik. Automaticamente e baby lo no bebe. Dor di esei e baby ta
haya hamber y e lo cuminsa yora mas. E mucha por bebe ora e nanishi ta habri. bo por

promove esei dor di dun’e gota pa nanishi (den un pipet) cu un solucion di awa salo. Djei bo
ta limpia e nanishi cu un palito di catuna (eartip) muha (bo mes ta drei e y bai cu e punta