Page 112 - MIN JUS

Magali Brito, secretario general di SEPPA, a splica cu tin diferente promocion pa e

trahado publico cu a sali. Tin diferente derecho di trahadonan cu tabata stanca pa varios

aña, entre otro gratificacion den caso di tanto aña di servicio, ta haya cu despues di un

aña ainda e hendenan no ta haya ningun reconocimento pa esakinan. Hopi di nan a sali.

Tin cu bisa tambe cu e departamento di Recurso Humano a haci hopi trabao den

eficiencia, den mehora nan sistemanan di cual cu ta percura tambe pa hopi di e trabaonan

aki ta sali hopi mas lihe cu antes tabata tuma luga.

Cambio grandi

Tin un cambio grandi den departamento di Recurso Humano. Como organisacion el a

mehora hopi mes. Ta contento cu esaki y lo tin mas cu nan lo tin deseo, pero eseynan

tambe ta bin na caminda, segun Brito.

Prioridadnan

Por bisa cu SEPPA tin miembro na tur departamento di Gobierno y tambe e

fundacionnan, cu ta wordo trata igual como ambtenaar. Den sector publico sin laga afo

ambtenaarnan, un punto hopi importante pa SEPPA, pero tambe pa e fundacionnan ta pa

bin claridad kico ta e intencionnan di un Gobierno pa e fundacionnan. Ta asina cu tin dos

pa tres aña bringando, siguiendo un desaroyo unda cu Gobierno kier hala e sistema di

duna subsidio na e fundacionnan y pas’e den man directamente na e respectivo

directivanan. Tin hopi obhecion pa esaki. Prome, pasobra e richtlijnnen subsidieregeling,
ta un acuerdo cu a wordo negosha den añanan 90, cu ta regla y ta trece stabilidad pa e

trahadonan di fundacion, cu ta brinda un servicio cu na principio ta di un Gobierno.