Page 21 - HOH
P. 21
Investigacion riba fraude na laboratorio
di hospital kedando cla
Posted on 11/1/2019 11:41 am AST | Updated on 11/1/2019 11:41 am AST
ORANJESTAD – Dentro di poco director di hospital Ezzard Cilie tin cu tuma e
decision riba e dos personanan suspendi den Laboratorio di hospital pa e caso di
fraude di algun luna atras. Manera ta conoci e caso a bin dilanti ora cu a nota
cosnan straño cu facture pa cobransa di paptest, y e validez di esaki. Segun Cilie a
bisa diahuebs, a rapport preliminary di mas di 250 pagina ta cla, y ta den dos siman
e ta kere cu por tin un claridad di kico a pasa y ken ta responsabel finalmente.
BATATA CAYENTE
Cillie ta conciente cu e ta un situacion delicado unda cu unabez cu e informacion ta afo,
cu e ta bira un batata cayente legal. Ya caba tin como 7 abogado wardando pa ataca e
caso aki y bringa pa nan respectivo cliente. Entre nan tin abogadonan di esnan suspendi,
acusa di a comete fraude, aunke cu e cantidad no ta mes grandi cu un caso di hopi aña
anterior. Segun Cillie, awor por papia di 400 mil euro, vs algun miyon e tempo aya.
