Page 22 - HOH

PAPTESTNAN ANTERIOR

Pa loke ta esnan afecta den pasado recien, Cillie a menciona cu tin 2385 paptest cu tabata
afecta. Loke a haci y ta haciendo ta cu a comunica cu tur esnan cu tabata afecta y ta haci
nan di nobo. Esunnan nobo tin garantia cu nan test ta sigur y bon. Tin un bon registro di e
esnan cu a haci e test y e re-test no mester ta problema. De hecho, a cuminsa cu e proceso
caba y tin hopi caba cu a haci e retest aki.

CONTROL

Riba pregunta di e portal aki, Cillie a sigura cu a tuma precaucion pa evita cu cosnan
asina por ripiti. A hinca mecanismo den otro pa asina tin un miho control riba tur tereno,
sigur e parti financiero pa evita cu no mester confronta problema mas den futuro. Cu e
tabata un les, ta sigur. Mes momento a sigura cu cos no a cuminsa cana ora cu a tende di
e asina yama ‘soplon’, sino mas prome. Cillie ta sigura cu ta nan mes a descubri cierto
fayonan cu factura, y despues a dicidi mesora pa pone un paro riba pago y a cuminsa cu e
investigacion. A opta e momento ey pa no bay publico pasobra no a wak e necesidad ey.
Pues e pensamento cu ta danki na e informacion di e soplon, cu e ‘bala a cuminsa cana’ y
asina percura pa un investigacion inicia pa yega na e informacion di kico exactamente a
pasa. Tin dos persona a keda suspendi, e hefe y e asistente, cu tabata haci cobransanan
astronomico siendo cu e testnan sea no tabata wordo trata of tabata wordo manipula.

ONDERSCHAT

Loke tambe tabata interesante pa tende, ta cu ora cu hospital a dicidi di tuma e laboratorio
di pais Aruba (lands laboratorio) algun aña atras, a ‘subestima’ e loke nan a cumpra y a
haya. Segun Cillie, a keda sorprendi pa e calidad di ekipo inferior cu nan a bin haya y a
pasa den retonan grandi pa por drecha y pone e laboratorio optimal. Y e caso di fraude,
no a yuda e situacion. Awor ta tratando na keda cla pa por acredita e laboratorio
proximamente y cu ayudo di un patologo experto di Hulanda riba e tereno di
acredidation, Dennnis Rupa, ta keda cu esaki por keda cla.