Page 27 - HOH

pronto lo ta conclui. Loke a pasa a realmente increibel pero mas increibel lo bira e
desaster cu por a desaroyo pa pashentnan di Aruba den e laboratorio di Hospital.

E proximo scandal cu lo rementa na Aruba lo tin un contenido horibel. E investigacion

cu a start sin cu Aruba mes parce tabata consciente di loke tabata realmente den wega,
lo mester dicidi si ta berdad.

E informacionnan cu a suspende e hefe di laboratorio di hospital di Aruba, B., a alcansa

Aruba algun luna pasa. Cu tanto suceso, Aruba no tabata consciente di loke e mester a
sigui mira den tur e desaroyonan increibel na hospital di Aruba.

E scandal cu lo parce un Storia di Dracula ainda lo mester rementa cu publicacion di e

rapport pa determina cu ta berdad cu ladronicia a wordo cometi dor di e gerente di e
laboratorio.

Lo tin un profesional mas suspendi den e caso aki cu lo mester wordo confirma pa e

investigacion menciona pa asina por informa comunidad di Aruba si ta berdad cu bida y
morto di hende a bira negoshi.

Paptest cu ta sumamente importante pa scapa bida di hende muhe den caso di cancer

na ovario, lo por a wordo uza pa haci un negoshi for di Aruba cu un entidad cu lo ta na
adres di e esun cu tabata manda e paptestnan for di Aruba.

Na e adres en cuestion mester tabata tin profesionalnan cu tabata ocupa nan mes cu e

testnan. E resultado ta cu un cantidad halto di hende muhe no a haya resultado di nan
test, cu lo mester a dicidi kico haci pa scapa nan bida.

Awor informacionnan ta alcansa comunidad den su totalidad y proximamente mester

bira conoci si na Januari 2017 gobierno di Aruba a tuma den su servicio un persona cu a
haya oportunidad di gana placa cu testnan vital pa bida di pashentnan na Aruba.

DIARIO ta tras di e informacion aki cu na Juli 2019 ya a introduci preguntanan serio

riba e forma di control den mundo medico na Aruba.