Page 30 - HOH

Vis a participa den representacion di docternan di cas y Fundacion Diabetes Aruba, y e
ta haya importante pa sigui informa e comunidad tocante e malesa di sucu.

E motibo pa cual mas enfoke ta wordo poni riba Diabetes tipo 2, pasobra ta esun cu

mas ta wordo registra mundialmente, y den e comunidad di Aruba.

“Na Aruba tin hopi hende cu Diabetes, pero tambe tin esnan pre-diabetico, pero tambe
tin esnan cu nan diabetes no ta conoci ainda y pesey ta bon pa semper nos pone hopi

atencion na e malesa aki”, Vis a subraya.

No por papia di diabetes sin papia di sucu. Dra. Vis a splica cu sucu ta e fuente di
energia pa e curpa.

“Sucu eigenlijk no ta e enemigo pasobra nos curpa mester di sucu pa genera energia
den tur e celulanan di e organonan, pa esakinan haci nan tarea. Organonan importante
ta, por ehemplo e cerebro cu nunca ta stop di traha y tambe e curazon cu ta pomp e

sanger constantemente, den e circulacion. T tambe nos tin nos musculonan y otro
organonan cu ta depende di sucu pa haci nan trabao”, Vis a splica.

El a splica tambe con cada persona haya e sucu den su curpa. Esaki ta sosode via e

cuminda cu ta e carbohidratonan cu e curpa ta digeri pa haya e sucu mas chikito cu e
curpa por uza, cu ta e glucose.

“E glucosa aki mester tin un valor den sanger constante, entre 4 cu 7 ml/l, y na

momento cu e valor aki ta subi, nos ta papia di diabetes”, sra. Vis a menciona.

E dama a sigui splica cu pa compronde e proceso mester papia di Insulina, cu ta un
hormona importante cu ta wordo produci den e pancreas.

E problema di diabetes ta surgi ora cu e curpa no por uza e insulina adecuadamente,
aunke e ta wordo produci y tin biaha e produccion di insulina ta bira menos y menos.

Dra. Vis a señala cu na e momento ey ta importante pa compronde kico ta pasa den e
curpa ora cu esaki ta sosode. Sea cu e insulina no ta traha bon of e ta insuficiente.