Page 31 - HOH

“Corda cu e insulina aki ta un yabi pa e insulina drenta den e celulanan. Pues, den e
momento cu e insulina no ta traha bon, kiermen cu e sucu no ta drenta den e celulanan
y ta keda den e sanger, y esey ta hopi malo pa e curpa. E ta hasta toxico pa e curpa
ora e ta na gran cantidad den e sanger pasobra e ta haci daño na e arterianan, e

nervionan, y esey ta algo cu mester preveni, pasobra e dañonan na e arterianan grandi
y esnan chikito ta hopi malo pa formacion di malesanan cardiovascular”, sra. Vis a
relata.

El señala tur e dañonan cu ta bin door di e daño na arterianan grandi y chikito cu
diabetes por causa, y pesey e instancianan di salud manera e Plataforma di Salud, ta
enfoca tanto riba diabetes pa detecta e sucu halto na tempo.

Sharline Vis a menciona cu tin hende cu ta cana entre 5 pa 8 aña largo cu e sucu riba
7ml/l y ta presenta un di e complicacionnan, anto e ora ey ta haya sa cu e ta diabetico,
pero e ora ey ta laat caba, e daño ta causa. Pesey preveni ta miho cu tratamento.

https://www.diario.aw/2019/11/sharline-vis-di-plataforma-promocion-salud-ta-splica-paso-pa-paso-
kico-ta-diabetes/