Page 26 - MIN ARENDS

A31
LOCAL Diabierna 29 September 2017
Avianca cu mal servicio pa clientenan Arubano perhudica

ORANJESTAD – Desde diaranson pasa mas cu mita di
e pilotonan di e aerolinea Avianca ta den welga. Esaki
tambe ta afecta clientenan na Aruba. Sinembargo e
servicio, siguramente pa esunnan cu a book via inter-
net, ta laga na deseo pa e clientenan perhudica.

Segun e oficina na Aruba cu ta situa na aeropuerto nan tin
nan man den cabes, asina nan ta bisa un cliente, como cu nan
mester yama mas cu 700 persona na Aruba pa resolve e prob-
lema di vuelonan cancela, etc. E cliente mes no a wordo yama
y despues cu diamars e mes a tuma contacto como el a haya
sa di e welga, e ora e oficina a inform’e. Mientrastanto otro
comunicacion, entre otro di ticket, si tabata bay via mail.
Akinan e oficina no por a yuda di biaha e cliente kende a pun-
tra kico e por haci, como cu diasabra awor e lo bula cu su
famia pa Bogota. E trahado e ora a recomenda pa cancela e
vuelo como cu no tabatin garantia pa asina por regresa Aruba.
Asina e cliente ainda por a logra di cancela entre otro su hotel,
sino el a bira hopi dificil. Dicon Avianca no a avisa mas trem-
pan, no ta conoci.
Pero un bishita na e oficina di Avianca na Aruba a mustra bon
cla: nan no ta dunando servicio y siguramente no ora ta trata
di clientenan cu a book nan vuelo via internet. Nan ta indica
cu e ora no por yuda na e oficina local pasobra tur cos e ora
ta bay via e oficina na Colombia. Tambe e parti di duna placa
bek y por ehempel un prueba na escrito cu Avianca a cancela e
vuelo pa e cliente. Nan a indica si cu pa haya e placa bek, esaki
lo tuma 20 dia. Con e ta bay ora di book cu internet, nan no
por bisa. Nan a duna informacion di contacto pa call center na
Colombia y tambe pa un contacto cu nan mes ta uza, sinem-
bargo e numbernan no ta wordo contesta.
Asina e oficina di Avianca na Aruba ta mustra bon cla: esun cu
ta cumpra un ticket na e oficina aki por haya nan placa bek via
nan. Sinembargo esaki no ta conta pa esunnan cu ta book via
internet; nan ta depende di e oficina na Colombia. Riba nan
website tabatin un formulario pa pidi cen bek, sinembargo
nan a suspendi esaki te 5 di october.
Encuesta Nos Cartera

y Nos Finansa

ORANJESTAD - Durante e periodo di 30 di septem-
ber te cu 19 di november 2017, Banco Central di Aruba
(CBA) lo tene e encuesta yama Nos Cartera y Nos Fi-
nansa pa di tercer biaha. Encuestanan anterior a tuma
luga na 2010 y 2013.
Esaki ta informacion for di un relato di Banco Central.

Cu e encuesta aki, CBA lo kier produci informacion valioso
riba e posicion financiero di e unidad familiar na Aruba, pa
cual actualmente tin poco informacion.
Informacion cu lo pidi ta regarda e entrada di e unidad fa-
miliar, con e comportacion di fia y spaar ta y e habilidad di
paga gastonan mensual. Cu e informacion aki lo por identifica
areanan problematico y e gruponan vulnerabel den nos co-
munidad Arubano, cual lo contribui na formulacion y imple-
mentacion mas efectivo di maneho pa loke ta trata e posicion
financiero di e unidad familiar. Mas ainda, e informacion ad-
keri lo asisti CBA den su analisis di e desaroyo economico na
Aruba.

Durante e periodo aki, CBA lo tin un grupo di 20 encuestado
cu lo bishita 1.400 unidad familiar Arubano pa por haya e in-
formacion cu ta di ‘sumo importancia’.

E bishitanan aki lo tuma luga mas tanto durante e oranan di
anochi y den fin di siman. E encuestadonan lo tin un carchi di
identificacion y un carta di notificacion como prueba cu nan
ta trahando pa CBA. E respondientenan por tuma contacto
libremente cu CBA si nan tin pregunta adicional.

CBA ta bisa cu nan ta realisa cu gran parti di e informacion
rekeri ta di un grado sensitivo, y p’esey ta enfatisa cu tur e in-
formacion ricibi lo keda confidencial y lo uza nan solamente
den un forma agrega pa propositonan estadistico.