Page 9 - Solo Di Pueblo

Diahuebs 24 Maart 2016 Pagina 9

Un grupo di bisiñanan uni na Santa Cruz:

Varios kibramento den cas ta tumando lugar na
Santa Cruz

Tin varios cas di famia/ bisiña cual nos a wordo informa di dje cu a bira victima di
esaki.

E ta parce di ta un grupo/
gang cu ta vigila cas pa wak
e rutina di hende cu ta biba
na e cas, pa asina drenta
horta den bo cas ora bo no
tey. Cualkier cos straño cu
bo wak, hende cu bo no
conoce cu bo ta keda wak e
ta cana rond dilanti bo cas,
maske ta un detaya chikito,
reporta esaki na polis,
pasobra ya polis ta na altura
di e caso aki caba.

Si bo sali for di bo cas, avisa
bo bisiña pa tira bista riba bo
cas. Si por, traha un group
chat di tur e bisiñanan cu ta
den bo caya cu ta di confia.
Esaki ta un bon y manera
liher pa comunica cu bo
bisiñanan pa asina yuda otro
y preveni e anti-socialnan
aki pa drenta horta den cas
di hende.

Habitantenan ta preocupa
cu tanto ladronicia y no tin
solucion te ainda pa nan.
Nos ta spera cu autoridad
tuma tur keho na serio pa
nos barionan por biba mas
trankil

Desconocinan a
drenta den un cas
y bay cu algun
articulo

SAN NICOLAS Dialuna pa
5’or y mey di atardi Central
a manda un patruya di San
Nicolas na Great Hill Weg
pa un ladronicia. Polis ta
papia cu e muhe C. kende
a bisa cu desconocinan a
drenta den su cas y a horta
algun articulo di su cas.
E desconocinan a saca
e glas di e bentana di e
opbergruimte pa asina bay
paden. Polis a tuma e keho.
Central a wordo poni na
haltura di e ladronicia.