Page 41 - Djarason 30 mei 2018.pdf

Djarason 30 Mei 2018 41
Sinku hóben detené pa ladronisia

WILLEMSTAD.- Un biaha abou ta haña nan mes di a kometé ladronisia ku
mas hóbennan di edat basta envolví ku hustisia despues violensia. Djamars 29 di
mei 2018, alrededor di
algu promé ku sink’or di
mardugá Sentral di Polis
a haña notifikashon ku
deskonosínan a menasá
i a hòrta un hòmber
den un Kiosko riba De
Ruyterkade. E patruya
polisial ku a yega na e sitio
a kuminsá mesora ku un
investigashon preliminar.
For di e investigashon
aki, e hòmber ku ta para
den un Kiosko i bende
e.o korant sigaria etc., a
deklará na e agentenan ku
dos (2) hòmber a menas’é
verbalmente i pidié pa
sigaria. Despues di un ratu
e dos (2) hòmbernan aki
a bai i bini bèk ku tres (3)
otro hòmber mas i nan sinku
mester a menas’é i oblig’é
di duna nan paki di sigaria
loke ku e víktima a hasi
tambe. Despues di nan akto
e sospechosonan a bandoná
e sitio na pia. Siguiendo ku
e investigashon alrededor di
5’or, polis a detené e sinku
(5) sospechosonan aki na
altura di Emmabrug.
Ta trata di e hòmbernan:
G.K. di 18 aña di edat,
I.L.H. di 18 aña di edat,
W.A.K. di 18 aña di edat,
K.T.G.D. di 18 aña di edat i
O.J.V. di 21 aña di edat, tur
nasé na Kòrsou.
A presentá tur sinku (5)
sospechoso dilanti un Fiskal
Ouksiliar ku a ordená nan
enkarselashon pendiente di
mas investigashon.

di nos e ta