Page 28 - MIN VOS

22 AWEMainta Diahuebs, 31 Augustus 2017

E di 23 edicion ‘International Pro-Am Golf Tournament’ tabata un exito

Participantenan satisfecho y encanta cu nos isla

DEN fin di siman a tuma luga e final di e di 23 edicion di ‘Aruba
International Pro-Am Golf Tournament’ rib’e prestigioso cancha di
golf di Tierra del Sol Country Club & Spa. Tawatin un total di 28
ekipo di 11 diferente pais cu a disfruta un biaha mas di e tremendo
torneo.
Ekipo for di e paisnan Bahamas, Brasil, Colombia, Corsou, Hulanda,
USA, Puerto Rico, Inglatera, Republica Dominicana, Venezuela y
naturalmente Aruba a participa.

Despues di hopi aña cu ausencia di e asina yama ‘Glow in the Dark’
shoot-out a haci esaki atrobe rib’e anochi di apertura. Esaki a cay
den bon tera y golfistanan a reta otro y tee off den anochi. Premio
pa esaki tabata entrada gratis pa Aruba su Internacional Pro-Am
Golf Tournament pa aña 2018.
Ganado di e ‘Glow in the Dark’ a resulta e Hulandes Melvin Hu cu
tabata forma parti di un ekipo ganado di A.T.A. Europe.
Tambe tabata tin premio pa;
Closest to the pin, cual a bay pa Rick Ingrassia di Merca riba e
prome dia.
Closest to the pin riba e di dos dia a bay pa Jerry Semper di Corsou.

E otro resultadonan pa e aña aki ta como lo siguiente:
E prome premio a bolbe bay pa e ekipo di Merca (nan a gana e prome
premio na 2016 tambe) cu e prof Leon van Rensburg.
Di dos luga a bay pa un ekipo combina entre Aruba, Merca, Corsou
y Brazil cu e prof Adrian Morley.

Pa cu e golfistanan profesional, e prome premio a bay pa Jesus ‘Es-
trellita’ Amaya di Colombia, e di dos premio a bay pa Ricardo Rojas
di Venezuela y e di tres premio a bay pa Robison Gomez di Brasil.