Page 18 - AM230421

18 AWEMainta Diabierna, 21 April 2023

Fortaleza Pa Famia

Dios su gracia ta suficiente pa nos

PASOBRA e gracia di Dios a aparece, treciendo salbacion na tur hende, Siñando nos pa renuncia impiedad y deseonan

mundano y pa biba huisioso, husto y santo den e siglo presente.

Wardando riba e speransa bendiciona y e aparicion di e gloria di nos gran Dios y Salbador, Cristo Hesus. Kende a duna
Su mes pa nos, pa E por redimi nos di tur inikidad y purifica pa Su mes un pueblo peculiar, cu zelo den hacimento di bon

obra (Tito 2:11-14).

Dios pa medio di Su gracia a trece salbacion na tur hende (Juan 3:16-17-18). Y den esaki no tin discriminacion, pasobra
Dios no ta rechasa ningun hende, no tin distincion di persona, pasobra nos ta creacion di Dios, p’esey Dios ta ofrece

salbacion na nos tur cu ta kere den Su Yiu unigenito Cristo Hesus. Pica ta separa hende for di Dios, Y Dios ta completa-
mente na altura di esey, pasobra Dios sa ken ta esun cu ta presenta e bida di pica na tur hende (Juan 10;10).

P’esey Dios den su inmenso amor a haci lo siguiente:

Ma Dios siendo rico den misericordia, pa motibo di Su gran amor, cu cual E a stima nos.
Hasta tempo cu nos tabata morto de nos picanan, a haci nos bibo hunto cu Cristo (pa medio di Gracia boso a wordo
salba) y a lanta nos hunto cun’E den luganan celestial den Cristo Hesus.
Pa den e siglonan cu ta bini E por mustra e rikesa sobresaliente di Su gracia den Su cariño pa cu nos den Cristo Hesus.

Pasobra pa medio di gracia boso a wordo salba door di Fe, y esey no di boso mes: E ta don di Dios, no como resultado
di obranan pa ni un hende no gaba (Efesionan 2:4-9).

Awor den e amor di Cristo Hesus, nos kier splica bon cla, cu ningun hende NO mester keda biba den ningun clase di:

inmoralidad, sensualidad, buracheria, parandiamento, adulterio, corupcion, homosexualismo, lesbianismo, tampoco
ningun otro tipo di pasion engañoso, of bruheria, santeria, idolatria, golosidad pa placa etc., pero tur hende por alcansa
e gracia di Dios pa medio di Cristo Hesus.

No keda mara na bo ayera, awe Dios tin un bida nobo pa bo. Un bida caminda bo ta bira totalmente dependiente di Dios,
un bida caminda Cristo Hesus tin e prome luga den bo bida, Hesus ta e capitan di bo barco di bida, bo cas y bo famia.

No keda biba den pica pa motibo di placa, orguyo, mentira, locual e mundo por ofrece bo ta temporal, pero Cristo Hesus

a bin pa duna bo bida eterna.

Ma tur esnan cu a ricibi’E na nan E a duna derecho pa bira yiunan di Dios, esnan cu ta kere den Su nomber. Cu no a nace
segun sanger, ni di boluntad di carni, ni di e boluntad di hende, ma di Dios Juan 1;12).

No laga ningun hende gaña bo pa bo keda forma parti di un grupo cu no ta respeta Dios, no kier arepenti, pero dia pa
dia ta lanta furia di Dios, pa motibo di nan capricho y duresa di curason (Romanonan 2 :5+6).

Corda bon cu Cristo Hesus no a bini na mundo pa condena ningun hende sino pa salba hende.
Dios su palabra ta bisa lo siguiente na un y tur y e ta para skirbi:

Si nos confesa nos picanan, E ta fiel y husto pa pordona nos, nos picanan y pa limpia nos di tur inhusticia (1 Juan 1:9).

Pakico duna oportunidad na diabel? mientras cu bo libertad den Cristo, ta den den bo boca. Ta e gran momento pa
arepenti y entrega bo bida na Cristo Hesus.

Sinceramente, Pastor Marcel Balootje