Page 41 - MIN JUS_Neat

AWEMainta Dialuna, 31 Juli 2017 33

Gabinete Mike

Eman II a celebra

cu colonia Peruano

nan independencia

CONVIVIENDO semper cu e colonia Peruano na Aruba,
Prome Minister Mike Eman a asisti diabierna atardi n’e cel-
ebracion di e 196 aniversario di Independecia di Peru.
Mey-mey di musica, baile y alegria, e mandatario a tuma tempo
pa saluda y felicita cada persona personalmente.
Durante un discurso breve, Premier Eman a enfatisa riba e
integracion di e comunidad Peruano y su aporte balioso na
progreso di nos isla.

“Ta un gran honor di comparti e dia grandi aki pa Peru,” Min-
ister President Eman a cuminsa na bisa. “Ta un alegria pa wak
cu e comunidadnan cu a integra den nos pais ta comparti nos
felicidad, pero na mesun momento ta mantene e recuerdonan
di nan pais.”
Siguientemente Prome Minister a reafirma n’e grupo cu cada
parti di e progreso di Aruba ta tambe nan progreso ya cu nan
ta aporta n’e bienestar di Aruba; como tal, nan tambe ta parti
di Aruba.

“Ban mantene e derecho grandi cu nos a obtene den ultimo
añanan pa trece husticia social,” e mandatario a bisa indicando
cu su Gobierno tey pa crea oportunidadnan igual.
E programa cultural a keda organisa pa Fundacion Fiestas Pa-
trias Peruanos Aruba na Paseo Herencia y a conta cu presencia
tambe di Minister di Integracion Benny Sevinger.
Minister Sevinger tambe a ser invita pa hiba palabra, opor-
tunidad den cual el enfatisa e calidad di Peruanonan como
trahadornan duro.

“Cada un di bosonan ta lanta tempran, duna Dios danki y ta
bay traha, muchanan ta bay scol y tin esnan cu ta traha na
hospital na hotelnan. Nos tur ta parti di Aruba, cu tur dia ta
lucha p’e mihor futuro pa nos yiunan,” Sevinger a bisa.
Na su opinion nos ta biba y traha den union y solidaridad
paso hunto nos ta traha riba e futuro cu ta mihor pa nos tur.