Page 42 - MIN JUS_Neat

AWEMainta Dialuna, 31 Juli 2017 35

Minister Benny Sevinger na Dia di Peru

“E Gobierno aki a duna un man n’esnan

cu a bin pa traha pa hiba Aruba dilanti”

COMUNIDAD Peruano a bin hunto pa celebra su
Dia Nacional na Paseo Herencia diabierna anochi. Min-
ister di Integracion, Benny Sevinger, tabata presente n’e
ocasion aki pa felicita e comunidad Peruano cu su dia
y gradici p’e contribucion cu semper a duna n’e forsa
laboral di Aruba y den e economia.
Prome Minister Mike Eman tambe tabata presente
hunto cu su colega y a wordo bon ricibi dor di e comu-
nidad Peruano.

“Boso ta parti di nos comunidad, di nos sociedad,” Sev-
inger a bisa. El a bisa cu por mira y sinti e contribucion
di e Peruano den cada sector di e comunidad aki cu
tur dia ta lucha pa un mihor futuro p’e muchanan y e
futuro generacion.
El a splica cu e Gobierno aki desde 2009 a pone e enfoke
riba integracion. Esaki debi n’e situacion di antes unda
cu no tabatin un maneho humano, unda cu e hendenan
no tabata haya permiso y miles di ciudadano tabata
wordo deporta.

“Pero awe tin un Gobierno humano, unda cu hunto ta
traha p’e isla aki bay dilanti.” El a bisa cu Gobierno ta
saca un man pa tur esnan cu kier biba na Aruba den
harmonia, pa traha p’e futuro generacion.”
Celebrando Dia di Peru, el a pidi pa uni pa sigui dilanti
como un solo nacion, cu tur esnan cu a yega aki pa co-
labora, contribui y integra pa crea un mihor sociedad.