Page 15 - KPA 30 MAART 2016

Motociclista Aldrich Trimon prome morto den trafico pa 2016

Publication: Tuesday, 29 March 2016. Categoria: Policial

ORANJESTAD(AAN)– Tabata diasabra 19 di Maart pasa di 12 or di marduga poco pariba di e rotonde na Paradera a keda registra
un accidente serio entre auto y brommer.
Na yegada di patruya a topa cu un homber benta abou na sanger y no tabata reacciona mucho bon. E tabata riba e Harley
Davidson cu a dal frontal cu un auto KIA Rio.
E victima a keda transporta pa hospital cu urgencia cu cortanan na pia y un sla leve na cabes. Pasando dia na Hospital e victima
unda banda di su tabatin dificultad cune debi na e sla y no tabatin circulacion. Esaki a pone cu el a drenta sala di operacion cu
urgencia y aki dokter a haci algun operacion riba e pia.
E persona su salud a mehora un poco pero pasando algun dia esaki a bay poco atras. Tabata riba Diabierna Santo cu nan a haci
un operacion mas na e pia di e victima ya cu e pia no tabata haya circulacion, y su salud tabata bayendo atras.
Famia tabata na altura di cada sucedido, tanto su casa y su dos jiunan chikito. Su coleganan di Post Aruba a keda atento pa cada
situacion y tabatin e victima den nan oracion pa pronto e ta bek na trabou.
Den presencia di famia diasabra mainta a kita e curpa for di mashin pa wak si e ta reacciona pero no tabata e caso y dokter
Ramons pa 10:10 or mainta a constata morto di Aldrich G . Trimon conoci como AYE, naci na Aruba riba 20 Juli 1982.
Paz na su restonan y palabra di profundo condolencia na famia di e fayecido.

http://www.diario.aw/2016/03/motociclista-aldrich-trimon-prome-morto-den-trafico-pa-2016/