Page 6 - AVB

ORANJESTAD (AAN) – 297 Soccer Academy a organiza su segundo soccer camp cu tin e
nomber di “Neon Edition” Summer Soccer Camp. E camp a cuminsa Dialuna 16 di Juli y

a termina Diabierna 20 di Juli.

E meta di e camp ta pa yuda cu e desaroyo di e muchanan cu gusta futbol y asina e
muchanan lo haya training di nivel di KNVB cursistanan cu tin nan TC 3 diploma. E meta
principal ta pa e muchanan diverti nan mes durante di nan vakantie pero naturalmente

tambe pa nan siña e cosnan basico di futbol esta dribble, pass, trap, positie spel, tiro
riba gol, reglanan di futbol y mucho mas! E enfoke ta riba muchanan entre 4 cu 15 aña
di edad y a parti e grupo nan abase di nan edad y nan nivel di futbol (beginners /

advanced). E camp ta consisti di 130 mucha, lamentablemente no por a tuma mas
mucha pa asina sigura e seguridad y calidad. E camp tin 13 coach y 5 leidsters, 1 yoga
instructor, 1 refree y 4 voluntario di red cross. E camp ta organiza pa 297 Soccer
Academy cu ta un scol di futbol priva cu ta ofrece muchanan y hobennan e oportunidad
pa desaroya nan mes den e ramo di futbol y pa asina crece den e deporte.

//www.diario.aw/2018/07/e-di-dos-summer-soccer-camp-neon-edition-tabata-
exitoso-un-biaha-mas/