Page 62 - AHATA

Cu un peliger grandi tabata na caminda, tabata e advertencia di DIARIO cu pa basta dia
a pidi Aruba prepara pa e menasa grandi di Covid-19, cu a crea un panico mundial.

Cu e advertencia di DIARIO tabata tin un base sumamente solido a keda confirma ayera

ora e Departamento di Estado di Merca oficialmente a adverti Mericanonan pa no subi
crucero debi na e menasa serio pa contagia cu Covid-19 a bordo di e Coronavirus ta
representa.

E informacion aki rapidamente a wordo reproduci rond Merca, caminda for di mas
tempran e Director di e Instituto Nacional pa Alergia y Enfermedad Contagioso a pidi
Mericanonan pa no biaha si no ta sumamente necesario.

E peticion di Dr. Anthony Fauci tabata dirigi na prome luga contra hende di edad mas
halto of cu riesgo mas grandi pa haya e coronavirus nobo pero tambe na tur otro
persona debi na e forma cu e enfermedad tabata plama cu rapidez.

E ultimo informacionnan cu DIARIO a ricibi ayera den oranan di anochi pa loke ta trata
economia mundial, tabata indica cu atrobe mundo di inversion tabata sufri perdidanan
grandi na bolsa di balor, centronan di comercio internacional.

E tendencia di comercio internacional cu caida serio, tabata motibo pa siman habri cu
menasa serio di un depresion economico mundial.

Paisnan exportado di petroleo tambe tabata na careda cu caida total di prijs di petroleo

cu tabata sink den e turbulencia cu a presenta su mes.

Por a papia ayera na momento cu DIARIO tabata cera su edicion di un caos mundial
total riba tereno economico mundial cu atrobe ta papia di e peliger cu e coronavirus
nobo por co/nduci mundo na un depresion economico y financiero.

https://www.diario.aw/2020/03/gobierno-di-merca-ta-adverti-contra-crucero/