Page 65 - AHATA

Tambe Gobierno ta bay kita for di ATA, hustamente na un momento cu nos pais ta
pasando den un preocupacion sumamente grandi pa locual ta turismo di Aruba, caminda
prome cu e corona virus nos por a mira cu na januari turismo di Aruba a conoce un caida
di preocupacion y a conoce un caida den e revpar.

Tur esaki sin e influencia cu nos ta mirando n’e momentonan aki den e mundo di crucero,
den e mundo di biahamento, cual desaroyo tin aerliñanan hopi preocupa cu henter e virus
aki ta causando un temor cerca clientenan, caminda tin clientenan cu no kier biaha mas,
cu no kier bay riba crucero.

Anto kico nos ta mira cu ta hustamente mey mey di tur e incertidumber aki, Gabinete
Wever Croes, a dicidi ya caba for di luna di november di 2019, caminda AVP a anticipa
caba for di november ultimo cu e aña aki lo bay ta un aña dificil, pero nos a mira cu
mercadonan cu ta competitivo pa Aruba, cu tabata cera pa motibo di dañonan di horcan,
ta bay habri y riba dje awor ta bay kita 35 miyon for di presupuesto di promocion di
ATA,” lider di AVP a mustra.