Page 29 - IVA

A2 LOCAL
Diasabra 2 December 2017

Segun SVGA:

‘Falta hopi pa haci pa cumpli cu derechonan di hende

cu limitacion na Aruba’

ORANJESTAD - Ayera tur e fundacionnan cu ta traha cu hendenan cu limita-
cion a bini hunto den cuadro cu celebracion di dia internacional di derechonan
di hendenan cu limitacion, cual ta mañan. Ayera nan a organisa un camina-
ta y entrega un tratado pa derechonan di personanana cu limitacion na e prome
minister y presidente di parlamento pa percura cu Aruba ratifica e tratado aki.

“Nos kier a ta visibel awe pasobra diadomingo ta e dia internacional pa hende cu limita-
cion. Henter aña nos mester ta mas visibel pero awe nos kier ta extra den noticia pasobra
falta hopi ainda pa cumpli cu e derechonan di hendenan cu limitacion akinan na Aruba”,
directora di SVGA (Stichting Voor Verstandelijk Gehandicapten Aruba) Els van Homelen
ta bisa Bon Dia. Rectificacion di e tratado entrega na gobierno y presidente di parlamento
ayera lo nifica cu nan gruponan realmente por participa den comunidad manera mester ta.
“Eynan tin hopi mas trabao pa haci ainda.”

Mas vivienda
E clientenan tambe mester proteccion y no ta tur ora ta mucha, pero tambe ta adulto cu ta biba
den situacionnan cu no ta mucho bon. Na Aruba tin tiki cas y manera nos a yega di publica,
anteriormente tabata tin e posibilidad unda por a manda cierto di e hendenan aki Corsou na
un instituto cu tabata yuda nan cu bon trato. Ultimamente esaki no tabata posibel mas y esey
ta haci cu tin casonan na Aruba cu clientenan, mucha y adulto, cu ta biba den situacionnan
sumamente fastioso relaciona cu abuso y maltrato. “Y nos no tin solucion pa nan. Ta hopi
necesario pa bin cu mas luga pa nan biba pa bin cu e proteccion cu nan merece”, segun sra.
van Homelen.
Parlamento ta e instituto legislativo importante cu presidente di parlamento a laga sa ayera
despues di a ricibi e tratado, cu por conta riba nan sosten. “Conta cu nos ta bay hacie. Pa-
sobra no ta solamente cu nos tin e tratado aki, pero nos tin cu bay implementa e tratado
aki den nos leynan nacional pa asina nos por sostene nos muchanan y nos hendenan cu
limitacion. Nos hendenan ta central manera nos prome minister a bisa, y nos no ta bay
bis’e so, nos ta bay haci e tambe,” presidente di parlamento Ady Thijsen (MEP) ta bisa.

Subsidio
E ultimo tempo cada bes a corta den e subsidio di e fundacionnan aki cu ta haci e trabao cu
ta hopi importante pa nos pais. “Y mas cu claro e no ta un secreto e retonan financiero cu
nos tin awor akinan y cu inversionnan a bay hopi den infrastructura. Aworaki mester bin
e cambio caminda lo mester inverti mas den locual ta e hende na e pais akinan. Y ora bo
papia di hende bo ta papiando di tur hende,” minister di Asuntonan Economico y Finan-
cia Xiomara Ruiz-Maduro (MEP) ta bisa Bon Dia. E ta sigui splica nos cu tin un departa-
mento separa cu ta trata cu e fundacionnan pa asina yuda nan tambe pa nan ta up to date
pa locual ta nan cifranan. Pa asina no tin ningun inconveniencia y ricibi nan placa tambe.

“Den e transcurso di e dianan nos dilanti nos lo reuni tambe cu tur departamento incluso
tambe cu e departamento cu ta haci e parti akinan di subsidionan posibel. Y mirando e pre-
supuesto di 2018 cu tin cu bin eyden, eynan tambe nos ta bay wak kico ta e posibilidadnan
pa asina trek bek locual pa hopi aña a wordo corta den subsidio pa esunnan special”, minister
Ruiz-Maduro ta bisa.

Tratado traduci na Papiamento
Linguista Ramon Todd Dandare a hiba palabra ayera un rato dilanti ministernan, parlamentar-
ionan y tur hende presente, hibando nos un rato den historia di nos constitucion y traduccion
di e tratado aki presenta ayera. Na aña 1988 a bin e tarea pa traduci e constitucion di Aruba na
papiamento y percura pa gobierno y parlamento tin esaki na su poder. Na aña 2012 e persona
dirigi cu tabata dirigi e plataforma pa personanan cu limitacion na Aruba, a pidi sr. Dandare si
por a traduci e tratado di e derechonan di personanan cu limitacion na Papiamento.
“Mi a haci e traduccion aki a base di e originalnan na Spaño, Ingles y Hulandes. E ta un trabao cu
ta duna papiamento su balor huridico. Y un di e peticionnan cu mi tin na gobierno, cual tambe ta
di difunto Shon Lopez, pa den curso di tempo purba forma un comision pa traduci nos codigo
civil na papiamento. E buki di mas importante pa nos aki na Aruba”, sr. Dandare ta comenta. E
proposito di e tratado aki ta pa promove, protege y garantisa tur e derechonan y libertadnan fun-
damental door di tur persona cu incapacidad a base di igualdad. E tratado aki ta basa ariba e de-
claracion universal di derecho humano di aña 1948 cual sr. Dandare tambe a traduci tres aña pasa.
E tratado aki como e declaracion universal di derecho humano na Papiamento ta den seno di
Nacionnan Uni na New York.

Bo ta stima bo yiu
BISA NO Na abuso di

Mucha...

HASI USO DI CARSEAT