Page 33 - IVA

Diasabra 2 December 2017 LOCAL
A24

‘Fondonan di SVB ta bon’

ORANJESTAD – E director di SVB a menciona cu e fondonan di SVB ta bon, pero
semper tin su retonan. Esaki el a declara durante un bishita di trabou di parti di min-
ister di Turismo,Salubridad Publico y Deporte nobo, esta Dangui Oduber (MEP).

Esaki e minister ta informa den un relato. Unda e tambe a expres cu el a keda satisfecho cu e
informacion cu e director di SVB Edwin Jacobs a duna y ta spera cu e fondonan di SVB keda
bon den e futuro nos dilanti y cu e empleadonan di SVB sigui duna e bon ehempel.

E director a elabora tambe riba e plannan pa cu SVB, segun e relato. Entre e plannan SVB tin
nan kier expande nan edificio actual, completa nan proyecto di automatisacion 2020 y tambe
SVB kier sigui mehora nan servicio na comunidad.

E director di SVB a bisa tambe cu e ta ‘sumamente contento’ cu su empleadonan a logra un
porcentahe halto di 70% di empleadonan cu no ta meld ziek y 0 % na AO. Cual ta e estadistica
di mas halto den e sector di semi-overheid. Tambe SVB a bay over na duna su empleadonan
un performance bonus a base di nan prestacion.

‘Traha film y serie no ta solamente un hobby’

Continuacion di Pagina 23
Sr. Tromp a sigui ilustra e punto aki cu diferente actor cu ya
caba tin 4 aña ta actuando y por mira cu cada bes nan ta me-
hora. Alabes amateur por capta un audiencia. “E señorita Sa-
brina Tromp mes kende a gana miho actriz ta un bon ehempel
di esaki. E no tin mucho tempo ta actua pero e la capta e hu-
radonan di biaha.”

Like & Share ta gana cu hurado y audiencia
E short film Like & Share cual tabata un colaboracion di 3
director y tambe un escritor tanto como actor y produccion. E
tema di e pelicula tabata contra bullying y specialmente cyber
bullying, asina screenwriter y co-director Kenna Hernandez
ta conta nos. Johnny de la Rosa tabata co-director y e persona
cu a bin cu e idea. Johnny ta conta cu e idea a bin despues
di mira hopi cosnan violento riba medionan social. Sr. de la
Rosa den pasado a yega di dirigi peliculanan manera Libre di
Pecado.

E videographer pa e proyecto aki Ronny Dotel ta conta Bon
Dia cu e ta biba di su trabou como videographer. “Esaki ta e
prome biaha cu mi a yega di participa cu un short film pero
traha video ta parti di mi trabou cu mi ta gana mi pan cu ne.”
Henter e team di Like & Share ta comparti e sintimento cu
nan no tabata spera di gana, aunke nan tabata sa ‘cu nos a haci
un bon trabou’.

Escritora hoben kier concentra riba traha films
Sra. Hernandez como escritora hoben a traha pa prome biaha
den e ramo di film. Despues cu sr. De La Rosa a dun’e e idea
sra. Hernandez a skirbi un screenplay pa e obra. Despues di
gana e premio di miho short film esaki ta un empuhe grandi
pa e hoben sigui den e ramo di tanto short film como feature
films. Apart di esaki e hoben escritor ta skirbi buki tocante
diferente topico y tambe e ta skirbi serienan.

“Den futuro mi kier traha riba un serie na Aruba pero tam-
be den exterior semper cu e mentalidad di hiba e nomber di
Aruba padilanti.” Sra. Hernandez ta conta nos cu el a haya
interes den traha serienan y filmnan pasobra desde chikito e
tabata wak serie y film. “Mi tabata pensa den mi mes cu mi
tambe por crea algo asina den mi mesun manera”, e hoben a
expresa. E ta bin naturalmente di e hoben pa inventa scenari-
onan en su imaginacion, pues esaki ta facilita e tipo di trabou
aki. Despues di a traha riba e film aki y comparti cu e ekipo di
Like & Share el a realisa cu esaki ta mas cu un hobby, e ta un
pasion di e hoben. “Mi kier echt sigui crece den dje.”

Sra. Hernandez manera nos a publica den pasado ta un di e
hobennan cu a cay bou di e proyecto Dreamers cu a haya un
firma liber den cuadro di e proyecto. Sinembargo obtene na-
cionalidad Hulandes ta keda un reto.