Page 22 - AM221018

AWEMainta Diamars, 18 October 2022
Fortaleza Pa Famia
Reconciliacion ta
mas poderoso cu revancha
a facil pa kibra, daña, susha, menosprecia, rechasa,
T boicotia, inventa mentira, traha trampa y hasta papia
malo di hende sin conoce.
Pero ora yega e momento pa pidi despensa, pa papia
bon, pa drecha cos, y cuminsa aprecia otro di curason,
pa felicita otro pa un logro, pa respeta otro pa locual cu
nan a haci, mester di humildad pa haci esey, y pa falta di
humildad reconciliacion no ta tuma luga.
Reconciliacion ta mas poderoso cu revancha, reconcili-
acion ta Spiritual, pasobra den reconciliacion, semper ta
existi pordon, pasobra e ta bin di Dios, si bo no pordona di
curason no tin reconciliacion, pasobra si bo gaña pordona
pasobra ta cumbini abo temporalmente, despues e asunto
lo rementa.
Revancha ta completamente carnal, orguyoso, diabolico,
yena cu traicion, violencia y matamento,
Mundo ta yena cu revancha, tin hopi revancha bao di nos
hobennan, e falta di pordon ta grandi, e deseo di paga
malo cu malo ta aumenta, pasobra nos como mayor no a
siña nan con reconcilia y p’esey nan no por hacie.
Tur caminda ta practica revancha, un persona ta venga y
envidia otro, djis pasobra e no por alcansa locual e otro
persona ey a logra, e ta wak su fout pa condene, y asina
cumpli cu su revancha.
Mayornan ta venga otro, pa straño cu bo por tende un
homber bisa cu e ta stima su yiunan pero e tin un revancha
grandi contra nan mama.
Un pareha ta divorcia cu nan yiu den infancia y bo ta tende
e mama bisa e yiu cu nunca bo tata no a cria bo, of bo ta
tende e tata bisa e yiu cu su mama a bay cu otro homber
sin wak atras. (Pero e pober mucha no tin arte ni parti den
e asunto).
Awendia nos ta experiencia tur tipo di revancha, personal,
politico, matrimonial, laboral, etc., pero no lubida caminda
tin revancha diabel ta presente.
22
Laga nos tur corda cu donnan y yamada di Dios ta irevo-
cabel, bo no por kita for di hende locual Dios a dune.
(Romanonan 11:29).
Dios a duna nos e don di reconciliacion, pa asina nos recon-
cilia hende cu Cristo, kiermen cu nos cada un ta drechado
di relacion, no dañado di relacion, y ta tempo pa demostra
misericordia.
E don cu Dios a duna bo, ta pa duna Gloria na Dios, sola-
mente na Dios, no na ningun clase di idolatria, tampoco
haciendo distincion di persona ken bo ta yuda of no.
2 Corintionan 5:18+19+20 ta bisa: Awor tur e cosnan aki
ta bini di Dios, kende a reconcilia nos cu Su mes door di
Cristo y a duna nos e ministerio di reconciliacion.
Esta cu Dios den Cristo, tabata reconciliando e mundo cu
su mes, sin tuma nan picanan na cuenta, y e a encarga
nos cu e palabra di reconciliacion.
P’esey nos ta embahadornan pa Cristo, como sifuera Dios
tabata spierta door di nos, nos ta roga boso den e nomber
di Cristo sea reconcilia cu Dios.
(Un embahador ta un representante di Reino y hacido di
pas y no pa promove odio y revancha).
Romanonan 12:21 ta bisa: No laga malo vence bo ma mas
bien vence malo cu bon.
Romanonan 12:17 ta bisa: Nunca paga malo cu malo na
ningun hende.
Respeta locual ta corecto den bista di tur hende, si ta
posibel asina leu cu ta depende di boso,sea na pas cu tur
hende.
Awor nos tur por ripara, y reconoce cu den revancha no
tin crecemento, caminda tin falta di pordon y envidia, tur
cos ta cana robes, nos mester reconcilia pa asina drecha
tur asunto na bienestar di tur hende.
Señor tene misericordia,
Sinceramente Pastor Marcel Balootje