Page 28 - awem

28 AWEMainta Diamars, 22 September 2015

CMB ta revoluciona industria di
auto na Aruba

Introduciendo
autonobo.com

DIABIERNA anochi ultimo Caribbean Mercantile Bank

N.V. a lanza un producto unico: autonobo.com. E producto
nobo aki a wordo desaroya specialmente pa CMB, y e tin
algun caracteristica hopi exclusivo y inovativo cu lo sigur
pone e banco den un posicion di liderasgo p›e añanan cu
ta bin.

Den e ballroom di Alhambra hunto cu representantenan di
tur agencia di auto nobo aki na Aruba, ehecutivonan di CMB
a haci e anucio special aki. Director di CMB Javier Wolter a
habri e anochi anunciando cu e banco y su profesionalnan a
dura casi un aña y mey pa desaroya e producto aki y asina
pone traha teniendo na cuenta tur aspecto di nos cultura
local, industria di auto na Aruba y tambe con nos hendenan
ta shop y financia auto. Siguientemente, Armin Solognier
di CMB a introduci e producto y splica su pakiko y dicon,
di biaha e la duna un demostracion live y completamente
online.

Un di e caracteristicanan di mas unico na autonobo.com
ta cu e lo permiti tur agencia di auto local upload nan
inventario completo for di nan propio oficina. For di e
“back-end” di e software nan lo por pone potretnan di
modelonan di auto of brommer cu nan tin den stock, pero
tambe informacion specifico di cada auto manera color, VIN
nummer, specificacionnan y otro informacion vital. Esaki
lo duna e cliente e impresion cu e ta shop p›e auto mescos
e ta den showroom y no un modelo di catalog.

E banco tambe di biaha a anuncia cu nan a logra integra
aplicacion pa financiamiento completamente online den e
site aki di autonobo.com, dus e cliente por shop pa su auto
y di biaha completa full e proceso di aplicación incluyendo
upload identificación, payslip, carta di doño di trabao y
otro documentan den un solo biaha usando nan propio
smartphone of computer.

Pa celebra e noticia aki, CMB di biaha a anuncia cu nan lo
duna un interes reduci di 7.5% p.a. riba tur prestamo pa
auto nobo te cu october 31, 2015. E interes special aki ta
haci loke ya caba tabata e miho deal y e pago mensual di
mas economico mas atractivo ainda.

Den e siguiente dianan y simannan clientenan lo ripara
con e inventario online na autonobo.com lo crece y crece
mientras tur e agencianan local ta upload nan inventario.
Mas opcion, mas modelo, mas color y tambe mas libertad
y trankilidad p›e cliente por shop y haci su escohencia.

Por bisa cu den esencia CMB a crea y haci un realidad pa
Aruba tin awor un “Car Show” cu ta 24 ora pa dia y 7 dia
pa siman.