Page 3 - MIN ARENDS

Durante debatenan den Parlamento Andin Bikker varios biaha a mustra cu e maneho di Sr.
Eman ta bay contra tur teoria macro-economico, ja cu ta preuba mundialmente cu
experimentoan similar, via cual a trata di reactiva economia dor di crea deudanan, a
fracasa. Sinembargo sr. Eman a keda persisti den esaki y hiba Aruba den e abismo
financiero actual.

Constatando e situacion precario den cual e maneho di sr. Eman a hiba nos pais, Bikker a
mustra cu e plan Vision 17-21 ta trece solucionan concreto y realistico pa restaura nos
economia y baha e deuda externo. Den e ultimo añanan 2015-2016, nos pais a conoce un
crecemento economico negativo. E unico manera segun Sr. Bikker cu por saca un pais for di
e debe astronomico, cual ta algo cu a wordo prueba door di decadanan, ta pa bin cu
crecemento economico real. Den e programa Vision 17-21 un di e cinco pilarnan riba cual ta
basa su mes riba dje ta e ley di restauracion economico.

Partido POR a constata por ehempel cu tin un averahe di como 500 bouwvergunning cu ta
tranca. Esaki ta miyones di inversion cu no ta tumando luga y cu ta trece cune cu entre otro
cuponan di trabao no ta wordo crea, material di construccion no ta wordo cumpra, banconan
no ta otorga hipoteca, notaris no ta pasando actanan, etc. etc. Segun Bikker no mester bay
inventa e wiel full di nobo, pasobra e ley di restauracion economico ta algo cu desde 2011 a
wordo implementa na madre patria Hulanda, y mayoria ley di Aruba ta deriva di leynan
Hulandes. Ora cu Hulanda e aña aki a bay eleccion na maart ultimo a crea 4 biyon Euro di
surplus pa por a traha plan nobo pa nan poblacion, esaki entre otro a base di nan ley di
restauracion economico.

Pues partido POR a bin cu un plan concreto y realistico di cual ta prueba caba cu lo por crea
un impulso economico nobo pa pais Aruba. Y asina na October, ora partido POR asumi
gobernacion cu bendishon di nos Creador, lo tin un asina yama “blue print”, esta un plan
concreto pa por restaura felicidad y trece prosperidad pa nos poblacion.