Page 2 - AM220305

2|Diasabra, 05 di Maart 2022

Minister Maduro di Finansa ta informa:

Aruba ta ricibi sosten di likidez y fiansa di Hulanda pa

por refinancia debenan internacional den aña 2022

Diahuebs pasa Minister Xiomara
Maduro a firma e contrato cu Secreta-
rio di Estado Alexandra van Huffelen
pa Aruba por haya e suma di 12 miyon
florin di sosten di likidez for di Hulanda
pa yuda cubri e necesidad financiero
den e prome kwartaal di aña 2022.
Riba e mesun dia Gobierno a ricibi
tambe 346 miyon florin for di Hulan-
da pa por cubri debenan internacional
cu mester wordo refinancia den aña
2022. E ultimo aki a keda acorda na
augustus 2021, cu Hulanda lo presta
Aruba e fondonan necesario pa cubri e
debenan internacional den aña 2021 y
2022.

Den 2021 a ricibi 177 miyon y awor a
ricibi 346 miyon. Ta bon pa remarca cu
e refinanciamento aki via Hulanda no
ta hisa e debe di Aruba, e ta trece si un
alivio di gasto di interes. Normalmente
lo a busca e refinanciamento aki riba
mercado internacional na un interes
5.5%, pero via Hulanda nos ta haya un
interes reduci di 2.6%.
Danki n’e acuerdo aki cu Hulanda,
Aruba no obstante e crisis financiero cu
e pandemia a trece cune, por a sigui
cumpli cu su debernan financiero.

Un persona deteni relaciona cu menasa di morto

Diabierna merdia Polis a bay cu
urgencia un adres na Kurimiauw unda
un persona lo a bin pa mata of ta bus-
cando cierto persona pa mata. Den al-
gun minuut Polisnan a yega y tambe
Recherche.

Mucho informacion no tin, pero apa-
rentemente un conoci di Polis lo t’esun
cu lo kier mata un otro persona.

N’e cas por a nota cu Recherchenan n’e
sitio a detene un homber. Lo ta trata di
dos homber cu tin problema pa algun
tempo caba, y awor menasa di morto a
cay cu ta algo cu husticia ta tuma mas-
ha na serio mes.