Page 3 - AM220305

Diasabra, 05 di Maart 2022|3

Trahadornan di DIMAS malcontento

y a demostra esaki ayera

Surgi un situacion di lucha pa poder
den DIMAS, unda cu e Director interi-
no, Mario Wever ta luchando pa ocupa
e puesto di Director na lugar di e actual
Directora Kathy Paskel.
Mario Wever t’esun, segun un grupo
di empleado, kier a crea un discordia
hayando un grupo di empleado na su
banda pa bay n’e mandatario pa core
cu Paskel. E situacion a bira asina tenso
cu e seccion di Helpdesk a keda di bay
den un accion ayera diabierna. Sinem-
bargo na lugar di esaki por a consta-
ta un ausencia grandi di empleadonan
bou di e seccion aki. Nan a dicidi di
meld ziek como protesta pa actuación
di Mario Wever.
Aunke cu Kathy Paskel t’esun encarga
pa maneho n’e departamento aki, e
mandatario encarga, Glenbert Croes,
ta regla tur cos via di su funcionario di
confiansa, esta Mario Wever.
Otro informacion ricibi ta mustra cu tin
plan (corda cu ta papia di plan) pa dividi
DIMAS den dos parti. Ta parce cu e de-
partamento aki ta un bon departamen-
to pa haci campaña cu ne y gana voto.
Un parti lo bay cay bou di Rocco Tjon,
Minister di Husticia, y e otro parti lo
keda bou di e Minister encarga actual-
mente cu DIMAS, esta Glenbert Croes.
For di e banda di Glenbert Croes ya
caba a haya informacion cu no ta bay
entrega nada di DIMAS. Ta bay exigi cu
tur cos lo keda bou di Glenbert Croes.
E acción di awe a bini net dilanti por-
ta di fin di siman y a causa problema
logístico. No tin reacción di Gobierno
riba e tema aki.