Page 5 - AWE0406_m_merged

Diasabra 4 di Juni 2022

LOCAL

Go-Fast descubri cu droga

balora na mas cu 2 miyon dollar

barco di Marina Hulandes Zr.Ms. Groningen riba 24 di
E Mei a detecta un transporte di droga. Den Lama Caribe
e barco patruyero a sa di detene un ‘go-fast’ y detecta un
cargamento di 300 kilo di cocaina.

Despues di un patruya, un avion patruyero di Wardacosta
Region Caribe a detecta un ‘go-fast’ cu cuater ocupante,
na e parti Noordoost di Aruba. Despues di esaki Zr.Ms.
Groningen a involucra e helicopter MH-65 Dolphin di
Wardacosta Mericano, cu actualmente ta na bordo di e
barco patruyero. Despues cu e helicopter a concentra e
contacto y a duna algun señal pa stop, e ‘go-fast’ no a stop.
Pa e motibo ey a efectua tironan di advertencia, despues di
cua e cuater ocupantenan a entrega nan mes.
Pa por a detene e ocupantenan dos boto di intercepcon
rapido (FRISC) a keda lansa den laman. E abordahe a
keda ehecuta pa un team combina di Law Enforcement
Detachement (LEDET) di Wardacosta Mericano y e
propio Fleet Marine Squadron (FMS). E ocupantenan y e
contrabanda despues di esey a keda entrega na un barco di
Wardacosta Mericano pa huicio na Estados Unidos.

Zr.Ms. Groningen for di April 2022 ta activo atrobe den
e region como barcou patruyero pa Region Caribe, pa
operacionnan antidroga.
Aki na Aruba e 300 kilo lo tin un balor di rond di 2 miyon
dollar. Pero mas leu e destino di e droga ta, mas e balor di
droga ta subi.

5