Page 12 - MIN TTC 9 MAART 2016
P. 12
No tin ningun hotel contra di Aruparking
on: March 08, 2016In: LocalNo Comments
Print Email
Den diferente reunion sinta na mesa cu Aruparking tabata tin cu AHATA y otro organisacionnan, a
keda demostra cu nan no ta contra e proyecto di Parkeermeter pa cual pa luna di Mei director di
Aruparking NV, Teo Croes, ta spera cu esaki lo por cuminsa pronto.
A sinta cu AHATA y a haya sa cu tur hotel no ta contra di dje basta cu tin acomodacion pa nan
empleadonan y un parti pa nan huespednan. Pa nan no tin problema cu excepcion di un, cu ta
pidiendo algun excepcion cu Aruparking ta traha riba dje. Kiermen esey ta algo cu ya el a wordo
discuti cu nan caba.
E area di Palm Beach ta ok. Esey ta solamente pa e bishitantenan cu ta bin bishita e area e
momento ey.
Aruparking NV ta premira pa cuminsa cu e proyecto aki na Mei. E area ta cuminsa dilanti di Riu bin
nort, tin e parti mey mey di Hyatt cu Occidental, tin un parti caminda Palm Beach Plaza ta. Esey ta
mas of menos e area.
Tin mas of menos 380 luga di para auto, incluyendo e pida parkeerplaats cu tin den Palm Beach
Plaza ya marca caba. Mita Parkinglot di Palm Beach Plaza ta di e mall y mita ta di Aruparking NV.
Croes a splica cu lo bay reubica algun personal y lo bay tin un oficina chikito den e area di hotel, pa
asina hiba e controlnan necesario, pago, etc.
Lo bay tin basta borchi. Apart di esey, for di departamento di transporte, tur carrental ta haya flyer cu
nan ta obliga pa duna informacion pa duna e turistanan cu ta huur auto, cu nan mester paga pa
staciona. Den e hotel area lo bay tin tur e borchinan necesario, Croes a splica.
E turista lo wordo bon informa di e desaroyo aki.
http://masnoticia.com/no-tin-ningun-hotel-contra-di-aruparking/
