Page 6 - MIN TTC 9 MAART 2016

Pa di tantisimo biaha ta klem auto di Alto Comisario

Tuesday, 08 March 2016 21:51
Comparti

El a bira un custumber cu cada biaha cu Alto Comisario yega na bestuurskantoor pa un reunion ta klem
su auto. Parce cu e palabracionnan entre AruParking y Polis no ta asina cla. Diamars merdia Alto
Comisario a bay cerca su hefe na bestuurskantoor. Minister Dowers a atende e Alto Comisario Dolphi
Richardson.
Mientras cu e tabata bezig pafo e control tabata andando di esnan di Aruparking. Asina a bay over na
pega sticker y klem e Santa Fe color preto. Ora cu a bisa e Alto Comisario e no tabata sa mes. Via media a
tuma nota cu e auto a haya klem. AruParking parce na prome instante a bisa cu nan no a wordo notifica
di e autonan di Polis cual hefenan ta core. Despues tog parce nan lo tin e numbernan aki nota y ta e
ParkeerWachter mes a comete un eror. Pesey mes a core manda hende pa kita e klem. Pa ora cu Central
di Polis a yama AruParking, ya caba e klem tabata kita. E tabata un mal entendimento. Otro autonan di
gobierno cu ta bin tambe pa mesun bishita di trabou na bestuurskantoor mester paga pa parkeer. Aki tin
un trato preferencial pa e Alto Comisario cu si no mester paga. E comentarionan tabata cu e auto berdad
ta di Cuerpo Policial pero no ta un auto pa brinda asistencia of emergencia como cualkier patruya. Pesey
otro departamentonan di gobierno ta claim situacionnan asina. Hefenan di Departamentonan manera
DRH, DOW, APA etc mester hinca placa den machine pa un reunion mescos cu esun cu Alto Comisario ta
bay haci cerca su minister. Pesey e trato aki ta uno no igual y pesey tin hende ta cuestiona esaki. Diamars
merdia banda di e auto di Alto Comisario tabata tin un otro auto cu no a core cu mesun suerte pasobra
nan si mester a paga pa los e klem. Autonan reconoci manera Bombero, Polis y Ambulance pa un
asistencia por para segun palabracion. No ta asina cu pa asutonan priva por core para auto unda cu
mester paga y bay haci cos priva. Den e caso aki te hasta a tende comentario cu e Alto Comisario tin un
salario suficiente halto pa paga su parkeervak mescos cu cualkier otro hefe di departamento cu si ta paga.

http://www.24ora.com/local-mainmenu-5/106166-pa-di-tantisimo-biaha-ta-klem-auto-di-alto-
comisario