Page 5 - UTILITIES
P. 5
14 AWEMainta Dialuna, 26 Februari 2018
Chauffeur a milagrosamente a sali ileso
DIASABRA den oranan di marduga polis
y ambulance ta bay cu urgencia na altura di
Isla di Oro, pa un accident den cual un pick-
up a bolter y lo tin hende herida.
Na yegada nan ta bin topa cu e chauffeur cu
no tabata herida y nan a bin compronde cu e
pick up tabata biniendo for di Rooi Lamun-
chi y pa un of otro motibo a bay dal contra
un palo di luz y despues a bolter.
Un parti di e palo di luz y cu tur e wayanan
a keda benta riba caminda, pa e motibo aki
e caminda a keda cera pa basta rato, te ora
cu e trahadonan di Elmar por a caba di lanta
esaki.
E parti “bon”, tawata cu esaki a sosode den
oranan di marduga y manera nos tur sa e or-
anan trafico ta keto.
Chauffeur accidente a bandona sitio di incidente
DIASABRA marduga
patruya di polis ta bay
na Tanki Flip un poco
panort di e rotondo pa
un accidente cu a caba
di sosode.
Na yegada nan ta topa
cu un Toyota Hilux para
mey mey di caminda y
tambe un palo di luz
kibra.
Loke nan no a topa ta-
bata cu e chauffeur. Po-
lis nan ta topa den e
auto e yabi ainda na e
switch.Door cu e tabata
mey mey caminda, nan
a pidi takelwagen pa
move di caminda. Elmar
tambe a wordo notifica,
pa drecha e palo di luz
cu tabata kibra.
