Page 3 - DESPA

Grupo grandi di dunadonan di cuido a asisti na Simposio di
Zika

Wednesday, 24 February 2016 19:33
Tweet
Comparti

Dialmars ultimo 23 di Februari a tuma luga un simposio cu a enfoca riba e diferente aspectonan di Zika.
e anochi aki tabata dedica na tur e profesionalnan cu ta traha den e area di salubridad.
Miembro di e "Management Team"di Departamento di Salud Publico Drs Jerry Starri a habri e simposio
den nomber di Minister di Salud Publico, Cuido Nos Grandinan y Deporte , dr. Alex Schwengle, kende no
por tabata presente pa motibo di un biahe pa trabao.
Sr. Staring a splica cu obhetivo di e simposio ta un bijscholing pa tur dunado di cuido na Aruba. Mas cu
200 persona a inscribi y tabata presente paexpertonan cu ta atendiendo e situacion di Zika riba nos isla .
Como oradornan pa e simposio aki a invita internista Dr Jacklin de Kort, microbiologo Drs. Riem van
den Berg, Epidemiologo Maribel Tromp , Gyneacologo Dr. Frank Ho-Kan-You y Dr Byron Martina
virologo, na Erasmus Hospitaal Hulandau ta actualmente na Corsou pa un proyecto di investigacion riba
Zika.
E orador principal,Byron Martina, PhD ta e persona cu mas expertisio pa bisa nos kico ta pasa cu e
asunto di Zika , Chikungunya y Dengue rond mundo. E tin un experticio hopi amplio na Hulanda y como
cu e ta di Corsou, e conoce e situacion na Aruba ta bon conoci cu e comportacion di e sangura Aedes
aegypti. Durante di su presentacion Martina a duna guia y a stress na tur hende pa ta consecuente, pa tin
un mesun pensamento riba con maneha e situacion. Segun Staring un anochi fructifero pa e aspecto di
maneho durante cual profesionalnan local a haya oportunidad pa presenta e virus nobo aki for di
diferente angulo y a splica na tur dunador di cuido con pa cumpli cu protocolo nan y pa tur hende sa
unda pa acudi y cu cua problema.

http://www.24ora.com/local-mainmenu-5/105651--grupo-grandi-di-dunadonan-di-cuido-a-asisti-na-
simposio-di-zika