Page 4 - DESPA
P. 4
Simposio riba virus di Zika a lanta interes cerca esnan cu ta
traha den arena medico
Wednesday, 24 February 2016 19:26
Tweet
Comparti
Diamars anochi, dia 23 di Februari, a tuma luga un simposio specialmente pa esnan cu ta traha den
sector di cuido, como tema principal a trata e virus di Zika.
Un tema cu sigur ta di vital importancia mirando su entrada lihe den nos region y otro partinan den
Latino America.
Dr. Byron Martina, virologo na Universidad Erasmus na Rotterdam y tambe na Utrecht, tabata orador
principal durante e simposio, cu a tuma luga den Renaissance Convention Center.
Despues di a participa den un foro televisa na Corsdou a toca turno pa a presenta na Aruba y esaki a bay
exitosamente.
E virologo a comenta cu tin hop interes riba e tema y e presentacionnan a lanta oportunidad pa hopi
pregunta, asina mustrando hopi interes.
Segun Dr Martina e interes tabata mas dirigi na haya contesta riba un sin fin di pregunta sin contesta cu
tin te ainda den mundo medico.
E sala presente tambe tabata en busca di conocemento tambe.
El a sigui splica cu pa loke ta toca Zika, mayoria di e preguntanan tabata tin di haber cu kico e virus ta
haci precies, con sigur nos ta cu e virus ta causa cierto malesa y
kico ta e impacto di e malesa riba un pashent cu no ta wordo diagnostica.
http://www.24ora.com/local-mainmenu-5/105650--simposio-riba-virus-di-zika-a-lanta-interes-cerca-
esnan-cu-ta-traha-den-arena-medico
