Page 48 - ATA
P. 48
Hasta companianan renombra y critico mundialmente, a traha un rapport positivo pa cu
esaki. Tabatin algun lectura duna, y esnan presente a haya detaye en extenso di esaki.
E Mangrovenan mes ta den basta mal estado y tin basta daño mirando cu pa hopi aña
no a haci limpieza.
E proyecto mes? E lo bay mas bien mehora e mangelnan aki, y mas bien lo bay mira
un progreso den e beyeza di e area aki, sin mishi cu e ecosistema.
Di berdad tin di bay traha un otro ‘tunnel’ di acceso, pero esaki NO ta algo cu e
desaroyadornan a planea. Ta DOW na Aruba mes a exigi pa traha un otro ‘tunnel’ di
acceso pa salida di emergencia y pa trahadornan.
E proyecto lo rebiba e Mangelnan totalmente y haci limpieza recogiendo tur sushi.
Ademas e hotel ta uno hopi dirigi riba naturaleza. Esey a worde splica den tur forma
caba den otro ocasion pa e inversionista.
Awor parce e cos a cuminsa haya forma, y a base di esey e Ambientalistanan a prepara
nan protesta y a logra como 56 persona para eynan Dialuna mainta pa merdia.
Pero e Ambientalistanan no kier pa causa daño na e Mangrovenan y no kier mas
hotel. Nan a mustra cu e compania cu kier desaroya e proyecto, no ta confiable. Den
pasado nan a yega di trece barge cu equipo na forma scondi, sin cu instancia oficial
sa. Tambe nan a djis cambia e cantidad di camber pa e proyecto, sin previo aviso.
Nan kier pa e pida di naturaleza aki keda virgen y intacto pa e animalnan y pahranan, y
tambe pa futuro generacion di Aruba por disfruta di dje.
E desaroyo aki ta interesante mirando cu e area ta bandona y ademas e habitantenan
mes no ta mira problema pa e proyecto por conclui.
E protesta di Dialuna cu 56 Ambientalista, a bay trankilo. Entre esnan presente por a
mira tambe ex-Ministro drs. Booshi Wever.
