Page 24 - EXTRA 12NOV,2015

24 Djaweps 12 Novèmber 2015
Awenochi play-off Liga 40 na Suvek Ballpark
CRAZY TIGERS I BARANKA TA GANA PROME WEGA
WILLEMSTAD.- Play-off Liga 40 a start
djamars anochi na Suvek Ballpark ku dos
wega. Den e promé wega e ekipo Crazy
Tigers a gana Navegantes ku skor di 8 pa
3, ku bon picheo di Hubert ‘Manolo’ Gomez
i homerun di Roderick ‘Kora’ Sambo.
Den wega number dos Baranka ku bon
trabou di Kenrich Hellement, ta dal Happy
Stars 4 pa 1. Kelvin Winklaar i Eldred
Estanista a destaká na bate ku homerun.
Play-off ta sigui awe nochi ku dos wega.
Den e promé partido pa 7.30’or
Baranka lo topa ku Happy Stars i pa 9’or
Crazy Tigers ta hunga kontra Navegantes.
Ta trata di un play-off page system.
Crazy Tigers 8, Navegantes 3
Crazy Tigers a dal 6 hit i hasi 2 eror.
Hubert Gomez tabata e picher ganadó i
Jeffrey Thompson a bati di 2-2. Roderick
Sambo tabatin un homerun.
Navegantes a bati 4 hit i hasi 2 eror.
Axel Gomez a pèrdè i Cedric Curiel a bati
di 1-1. Wendell van het Kruys a dal un
homerun.
Baranka 4, Happy Stars 1
Baranka a bati 10 hit i hasi 1 eror.
Kenrich ‘Refuse to Loose’ Hellement a
gana i Kelvin Winklaar a bati di 3-3 ku
un homerun. Eldred Estanista tambe a dal
homerun.
Happy Stars a bati 3 hit i kometé 1 eror.
Willem Felicia a pèrdè i Reinaldo Casimiri
a bati di 1-1.
SOFTBOL FASTPITCH TA
SIGUI WIKENT NA SUVEK
WILLEMSTAD.- E torneo di Sòftbòl
Fastpitch ta sigui e wikènt aki na Suvek
Ballpark. Weganan di wikènt pasá a keda
suspendé pa motibu di mal estado di
tereno. Djasabra i djadumingu awor lo tin
dos wega segun e skèdjel nobo ku a sali
den kurso di ayera.
Manera palabrá lo bai dos buèlta i
despues lo hunga play-off. Seis ekipo lo
partisipá na e torneo. Ta trata aki di Clase
Aparte, Suffisant Eagles, Dream Team,
Harlem Power , Bombers i Flying Sharks.
Kòrda ku suma di inskripshon mester ta
NOS GOSO KAMPEON DUTCH CARIBBEAN NA ST. MAARTEN
PHILIPSBURG.- Ekipo Nos
Goso ku tremendo picheo
di Carlintje Cleofa a bira
kampion di Dutch Caribbean
Tournament di damanan
35+ na Sint Maarten. E gran
final a tuma lugá djarason
11 di novèmber den oranan
di atardi.Ta di tres titulo di
torneo grandi di Nos Goso e
aña aki. Den Maskulino 50+
e ekipo Marlins a kai vensí
ku skor grandi kontra di e
selekshon di San Nicolaas
Aruba. Den kurso di dianan
nos tin mas detaye.
Baranka na un paso pa bai final pa di 8
biaha sigi denLiga 40
Crazy Tigers number 3 temporada pasa
rumbo pa semi-final
Navegantes pa prome biaha den e prome
4-nan
pagá promé ku djabièrnè awor.
Weganan di e wikènt aki ta lo siguiente.
Djasabra 14 di novèmber
12.00 Clase Aparte – Suffisant Eagles
(Tereno A)
12.00 Dream Team – Harlem Power
(Tereno B)
Djadumingu 15 di novèmber
14.00 Clase Aparte – Dream Team (Tereno
A)
14.00 Suffisant Eagles – Harlem Power
(Tereno B)
Nos Goso ku otro titulo den 2015.
Fanátikonan di Extra Slowpitch, bon dia. Vários ekipo
na Sint Maarten den kuadro di e ABC Femenino Veterano
i 50+ maskulino ku ta tumando lugá aya. E ekipo Nos
Goso, ku ta den un racha formal, a dal Sint Maarten 5-0
den final pa bira kampion.
*****
Carlintje Cleofa tabata e picher ganadó atrobe. Despues
pa mas o ménos 5’or Marlins mester a bai final kontra
un ekipo di Aruba den 50+ Veterano. Parse ku Ban Serio
no a hunga aya riba, debí ku nan no tabatin sufisiente
hungadó.
*****
Ekipo El Piston tambe tabatin un Scaramouche, debí
ku nan a bai ku mucha yòn. Basta vershon tokante e
asuntu aki riba kaya. Pa loke ta Liga 50, otro aña
Pitufos lo bai defendé Liga 50 di Kòrsou na Aruba i tin e
tradishonal Dia di Himno i Bandera tambe di Aruba medio
mart. Hungadónan kuminsá spar for di awor pa e biahe ta
sigurá. Boneiru tambe lo ta na Aruba ku nan ekipo 50+.
Den 40+ Boneiru tin vários ekipo, entre otro, Happy Vets.
*****
Baranka a sali fuerte den play-off Liga 40 ku viktoria.
Den kampionato regular Happy Stars a dal Baranka na
dos okashon. Den play-off ku picheo di Kenny Hellement,
Baranka ta sali dal Happy Stars. E ekipo number 1 di
kampionato regular no tabatin sufisiente hungadó. Junny
Marsden tabata rabiá djamars último.
*****
Awe nochi Happy Stars a keda di bini mas kompletu.
By the way, Kenny Hellement mes tabata programá pa tira
pa Bombers ayera nochi. Bombers tambe tin skarsedat
di picher. Baranka 40 tin Gilbert Henrietta tambe ku ta
yegando for di Sint Maarten pa yuda Kenny Hellement.
*****
Hopi interes pa e wega entre Santa Maria Pirates
añanan 90 vs Wild Cats. Parse ku Wild Cats tin mas gara,
debí ku nan tin mas tantu hungadó ku a keda aktivo i
pasa pa hunga Beisbòl Veterano. Ei bo ta mira ku e gana
di hunga Beisbòl tabata tei den aña 90 i tei ketu bai.
*****
Práktikamente tur hungadó di e Wild Cats kampion
8 aña siguí, a pasa pa Beisbòl Veterano. Promoshon a
kuminsá kore na radio pa e gran fecha, dia 21 di novèmber
den Stadion Johnny Vrutaal. DJ Bradley i GIO fuertisimo
lo tei pa animá. Na number di telefon 516-0561 por haña
karchi na rason di 10 florin pa hende grandi i 5 florin pa
mucha.
*****
Dirigentenan di Santa Rosa Memories a konfirmá
pa nos ku den 2016 nan lo tin Raymond Martis komo
picher slengu i batidó. Tambe Santa Rosa lo tin Ferdinand
Rosalina, ku for di mart último a kumpli 40 aña i por a
hunga den Beisbòl Veterano kampionato 2015.
*****
Santa Rosa ku tabata fuerte kaba den 2015 saliendo
number 3 a lucha formal kontra e kampionnan Jandoret
Raiders den semi-final. Santa Rosa faborito pa keda den
e 4-nan den kampionato Beisbòl Veterano 2016.
*****
Nos ta pone énfasis riba e promé 4-nan, debí ku vários
ekipo òf dirigente di ekiponan ta bisa ku nan lo ta sigur
den e 4-nan, sin bisa eksaktamente ku ta e promé 4-nan,
e di dos grupo di 4 i e último grupo di 4.
*****
Ainda ta sobra un tim mas despues di e di tres grupo
di kuater. No tin indikashon ku Surprise lo tei otro
temporada, ke mèn ta 3 grupo di kuater tin otro aña.
Extra no a tende masha mas di Mahuma Tigers i Royal
Scorpions den Beisbòl Veterano. Te mañan ku Poder di
Dios.