Page 44 - EXTRA 12NOV,2015

44 Djaweps 12 Novèmber 2015
...KFO: Dikon
polítikonan ta papia

di Gobernadó...

GOBERNADOR
NO TIN NINGUN
LEGITIMASHON
DEMOKRATIKO

OF POLITIKO

WILLEMSTAD. - Den un
komunikado ku e fundashon
Kòrsou Fuerte Outónomo
(KFO) a emití, nan ta mustra
ku Gobernador no tin ningun
legitimashon demokrátiko
òf polítiko. E reakshon
aki ta bin relashoná ku e
situashon polítiko ku a surgi
resientemente.

E situashon a pone
ku den e dianan aki ta
tende konstantemente ku
mester bai konsultá ku
Gobernador òf mester subi
trapi bai Gobernador òf ku
Gobernador di tòrnu òf ku e
tin di bolbe.

Segun e KFO Gobernador
ta un figura imponé pa
siglonan riba e pueblonan
dor di e kolonisadó.

Gobernador meskos ku
Sinterklaas ku Zwarte Piet te
herensianan i karikaturanan
for di e era horibel di
kolonialismo ku ta basá riba
superioridat di un pueblo
riba e otro.

E figura di Gobernador
riba su mes kaba ta un figura
estatalmente Psyzofreniko. E
ta keda nombrá dor di Reino
(Kroon) ku ta nada ménos òf
mas ku gobièrnu ulandes.
Esei ta pa wak nan interes i
no di e komunidat aki. Banda
di esei e ta kabes di nos
gobièrnu. Ta kompletamente
imposibel pa sirbi shon i
katibu pareu KFO ta opiná.

No ta eksistí den
demokrasia real ku un
figura ku niun hende no a
vota pe por tin bos i poder
determinante asina den
destino di un pueblo.

Mester komprondé
ku Ulanda lo no nombra
niun hende ku ta wak
primariamente interes di e
komunidat aki, pero unu
ku ta konsultá i sigui nan
guia i nan òrdu. Si no e no
por ta einan. Ta p’esei ta
inkreibel ku tin polítiko ku
kada sekònde ta papia di
konsulta ku gobernador òf
ku gobernador ke tòrnu òf
bolbe. Aktitut nan asina ta
prueba ku te ainda gran parti
di e komunidat aki tin un
mente kolonial i no a avansá
niun meter komo pueblo òf
nashon. Hopi tristu mes KFO
ta haña e situashon aki, esta
ku nada no a kambia.