Page 45 - EXTRA 12NOV,2015

Djaweps 12 Novèmber 2015 45

SOSEGA NA PAS Kontinuashon di pagina 12
KOEIMAN TA SIGUI...

dianan di bida. I gobièrnu
no por determiná esei p’e.

Si mira e konsehonan
di RvA, e loke gobièrnu ta
hasiendo ta ku bista riba
aspektonan finansiero
ekonómiko.

I di otro banda ta pasa
riba e parti sosial komo si
fuera e no ta tantu relevante.

I gobièrnu ta bisa den
e proyekto di lei ku e ta
konvensí ku mediante e
penshun aki lo por sigurá
un mínimo na atenshon di
personal.

Awor si gobièrnu mes
ta konstatá ku e penshun
ta kubri un mínimo na
gastunan personal, anto ta
kon por ta ku ke deskontá
25% di e penshun si e
persona ta biba afó? Al
kontrali lo mester duna
mas pa duna balor na loke
gobièrnu ta ekspresá.

RvA tambe ta bisa ku no
ta relevante unda e penshun
ta ser pagá si e persona
ta biba den eksterior,
sino mester dediká mas
atenshon na e aspekto
sosial di kompensashonnan
di karakter sosial,
naturalmente teniendo
kuenta ku interes general.

Pues RvA i SER ta bon
kla riba e kambio di lei aki.
Kada ken tin derechi di hasi
uso i disfrutá di su propiedat
manera e ke i mester ta liber
pa bandoná su pais.

I segun Wilsoe, mirando
tur e puntonan ku ta mishi
ku derechonan humano
Europeo, e ta kere ku pa
tur apresio ku e por tin
pa e gobièrnu aki, pero
pa presentashon di e lei
aki e ta haña un ‘dikke
onvoldoende’.

E lei aki manera el a ser
presentá ta intragabel.

Mester bai kobra tur
hende ku debe belasting.
Meskos ku e ta kumpli, tur
hende mester aportá ku
nan granito den e totalidat.
Kobra loke ku tin riba
kaya promé ku molestiá e
‘viejitos’ nan.