Page 70 - KPA JUNE 30 2015
P. 70
Mucha muher maltrata ora cu a tuma husticia den propio
man
Publication: Tuesday, 30 June 2015. Categoria: Policial
ORANJESTAD (AAN)– Diadomingo mainta un cuarto pasa di seis ora cu patruya di noord a
bolbe na Warda di polis Shaba, nan a mira dos auto cu a yea eynan. For di un Toyota Yaris color
di plata V221 nan a mira un hoben sali y tambe un mucha muher.
E mucha muher tabata tin sanger y herida na su cara.
E mucha muher GT y e homber CM a declara cu un auto a persigui nan y cu e chauffeur ta acusa
nan di ladronicia.
GT a declara ademas cu un persona desconoci a herid’e na altura di Peanuts.
Despues polis a papia cu e dama surinameo NBM cu a sali for di e otro auto y cu a laga sa cu e ta
manager di Dushi Carrental y cu e auto V221.
El a laga sa cu GT y CM anteriormente tabata envolvi den ladronicia di 10 mil florin y un laptop
for di un cas den Olijfistraat y cu e tin e presunto testigonan di esaki.
NBM y su amigo a dicidi di busca rond y na luznan di trafico na Super Food nan a mira e auto
V-221 cu tabata bay pabo y nan a sigui su tras y esaki a conduci na un bringamento y maltato.
A resulta cu doño di e articulonan horta S. lo kier a resolve e problema nan mes y su amigo AB a
wordo manda pa atende cu e mucha muher GT. E caso ta bao investigacion.
http://www.diario.aw/2015/06/mucha-muher-maltrata-ora-cu-a-tuma-husticia-den-propio-man/
