Page 10 - awem

10 AWEMainta Diaranson, 16 September 2015

Minister Mike de Meza:

E waf di Barcadera ta hopi moderno den
tecnologia, eficiencia y energia berde

DURANTE di su bishita siman pasa n’e waf di

container na Barcadera, Minister Mike de Meza
a elabora riba diferente factor cu ta haci di e
waf un di esnan mas moderno den nos region,
particularmente unda ta trata di uzo di energia.
Actualmente e proyecto di waf ta den pleno
ehecucion.

E gantry crane (grua) cu ta uno “state of the art”
ta programa pa wordo lanta completamente pa
fin di luna y lo wordo poni riba su rails pa medio
di skids.
Tin otro procesonan y construccion andando
riba e waf; testing y training p’e operadornan
di e grua lo ta tumando lugar proximamente
y e waf lo ta completamente operacional pa
februari 2016.
Minister De Meza, kende tambe ta encarga cu
e energia y utilidad, a splica cu un di e meta-
nan ta pa haci di e waf aki un facilidad berde y
aplica mas tanto energia alternativo/sostenibel,
combina cu eficiencia y efectividad pa medio di
productonan cu ta uza menos coriente.

Unda cu tabata posibel a instala luznan LED cu
ta mas eficiente den uzo di energia y nan ta hopi
mas intensivo den e claridad cu nan ta brinda.
E mandatario a subraya cu lo haci hopi uzo di
panelnan solar pa provee energia y e intencion
ta pa mayoria di e edificionan tin no solamente
e panelnan riba nan daknan, pero tambe tecno-
logia mas eficiente den nan operacionnan.

E general Office Building, e portanan y e wach-
thuis nobo ta partinan di e facilidadnan cu sigur
lo wordo ekipa cu panelnan solar; e intencion ta
pa mas tanto posibel instala panelnan solar riba
e daknan di e diferente edificionan, el a agrega.

E puerto aki ta uno hopi moderno, p’e region
sigur, pa medio di e infrastructura y tecnologia-
nan nobo cu ta wordo aplica, Minister de Meza
a expresa.
E titular di energia y utilidad a conclui bisando
cu e ta sumamente contento pa wak e proyecto
aki, cu pa 50 aña tabata riba agenda di diferente
Gobierno y ta un proyecto necesario, den pleno
ehecucion.
E ta un proyecto hopi importante pa hiba Aruba
n’e siguiente nivel socio-economicamente, el a
conclui bisando.