Page 11 - awem

AWEMainta Diaranson, 16 September 2015 11

Banco di Seguro Social SVb ta informa

Jaaropgaaf di pensioen di AOV a ser manda mediante Post

FOR di siman pasa Banco di Seguro Social SVb a cum-

insa e proceso pa manda tur e pensionadonan di SVb
nan jaaropgaaf 2015 mediante Post.
E siman aki mayoria di nos pensionadonan ta ricibi e

jaaropgaaf na cas.
SVb ta remarca si cu ta posibel cu algun carta ta
wordo entrega na cas despues di otro siman.

SVb kier a pidi tur pensionado kendenan no a ricibi
e jaaropgaaf ainda pa fin di september, pa por fabor
warda algun dia prome cu tuma contacto SVb p’e
jaaropgaaf.
Esaki pa evita tardansa na SVb siendo cu e carta por
ser entrega den un di e dianan aki.
Si despues di dia 9 di october ainda e jaaropgaaf di
SVb no a drenta, nos ta recomenda pa tuma contacto
cu Departamento di Pensioen p’asina tog por ricibi
e jaaropgaaf.

E jaaropgaaf aki ta necesario ora di yena e aangifte di
belasting pa aña 2015. Tambe tin cierto instancia cu
por pidi pa un jaaropgaaf pa specificacion di entrada.
Den caso cu e pensionado no ta yena e papel di belasting
no ta necesario pa usa e jaaropgaaf di SVb.
Sinembargo como servicio SVb ta tog suministra cada
pensionado cu e jaaropgaaf p’e por tin e informacion
aki disponibel.

Den caso cu e jaaropgaaf no a ser ricibi despues di dia 9
di october, of si tin cualkier otro pregunta of remarca,
por tuma contacto cu Departamento di Pensioen na 527
2760, of mediante email na pensioenen@svbaruba.org.
Tambe por bishita Departamento di Pensioen den
Oranjestad na Vondellaan 21, of den San Nicolas na
Bernardstraat 67C.
Oficina di pensioen ta habri di dialuna pa diabierna
mainta 8:00 te cu 12:00 y merdia di 13:00 te cu 15:00.
Tur diarazon merdia Departamento di Pensioen ta sera
pa publico.